QR Bas memlekettik sanitar dárigeri Jandarbek Bekshin koronavirýs órshigen elderde qansha qazaqstandyq júrgenin jariialady, dep habarlaidy "Ult aqparat".
«QR Syrtqy ister ministrligi koronavirýs aýrýy órshigen memleketterde qansha qazaqstandyqtyń júrgenin habarlady. Qoldaǵy málimetke sáikes, Ońtústik Koreiada - 34 myń, Japoniiada - 180, Iranda - 170-ke jýyq qazaqstandyq bar», - dedi bas sanitar dáriger Ortalyq kommýnikatsiialar qyzmetinde ótken baspasóz máslihatynda.
Buǵan deiin J. Bekshin koronavirýs boiynsha asa qaýipti memleketterden kelgen qazaqstandyqtardyń úi karantinine oqshaýlanatynyn habarlaǵan edi. Bul tizimge Qytai, Ońtústik Koreia, Japoniia, Italiia, Iran, Gonkong, Makao, Taivan engen.
Sonymen birge, koronavirýs infektsiiasyna bailanysty Qazaqstan Ońtústik Koreia men Iranǵa áýe reisterin shekteidi .
