Densaýlyq saqtaý ministrligi 8 aqpandaǵy epidemiologiialyq ahýaldy baǵalaý matritsasyn jariialady, dep habarlaidy «Ult aqparat».
8 aqpandaǵy epidemiologiialyq ahýaldy baǵalaý matritsasyna sáikes, Qazaqstannyń eki oblysy men bir qalasy «qyzyl» aimaqta tur. Olar: Aqmola, Pavlodar oblysy men Nur-Sultan qalasy. Keshe «sary» aimaqta turǵan elorda búgin «qyzyl» aimaqqa qaita kirdi.
«Sary» aimaqta Qostanai, Atyraý, Soltústik Qazaqstan, Batys Qazaqstan oblystary bar. Keshe «sary» aimaqta bolǵan Shyǵys Qazaqstan búgin «jasyl» aimaqqa shyqty. Qalǵan óńirlerdiń bári «jasyl» aimaqta. Jalpy Qazaqstan koronavirýstyń taralý qaýpi jaǵynan «jasyl» aimaqta tur.
Eske salsaq, buǵan deiin QR Bas memlekettik sanitarlyq dárigeri Erlan Qiiasovtyń karantin sharalaryn jeńildetý týraly jańa qaýlysy jariialanǵan bolatyn. Qaýly erejelerine sáikes, «jasyl» aimaqtaǵy óńirlerde meshitterge jurttyń jinalýyna, sonymen qatar mektep ashanalarynyń jumysyna ruqsat berildi.
