Densaýlyq saqtaý ministrliginiń resmi ókili Baǵdat Qojahmetov elimizde dári-dármek tapshylyǵy máselesi qalai sheshilip jatqanyn aitty, dep habarlaidy QazAqparat.
«Provizorlyq ortalyqtarda jedel áreket etý úshin medqyzmetkerlerdi daiyndaýdan bólek, dári-dármektermen tolyqtyrý boiynsha aýqymdy jumys atqarylýda. KVI-ǵa uqsas belgileri bar pnevmoniiamen syrqattanǵan naýqastar úshin aldyn ala bir ailyq qorǵa eseptelingen apparattar satyp alyndy. Óńirlerge 8,7 mlrd bolatyn 91 túrli dári-dármek jóneltildi. Bul ortasha eseppen 40 myń naýqasqa jetedi», - dedi Qojahmetov búgin Ortalyq komýmnikatsiialar qyzmetinde.
Onyń sózine qaraǵanda, 15 tamyzdan bastap taǵy eki aiǵa jetetin qor ázirlenedi. Statsionardaǵy 200 myń naýqasqa jetetin dári-dármektiń 50 túri ázirlendi.
«Sonymen qatar, ambýlatorlyq jaǵdaida em alatyn bir million naýqasty emdeýge arnalǵan dári-dármektiń 5 túrin satyp alý úrdisi aiaqtalýda. Dál osyndai aýqymdy sharalar alǵashqy ret qabyldanyp otyr», - dedi resmi ókil.
«Syrqattanyp, virýs juqtyrý boiynsha kúdiktenseńiz, tirkelgen emhanaǵa baryp qaralsańyz bolady. Eger virýs juqtyrǵanyńyz anyqtalsa, burynǵydai dárihana jaǵalap júrmei-aq qoiyńyzdar! Barlyq emhanalarda qajetti dári-dármek bar jáne aqysyz beriledi. Atap aitqanda, paratsetamol, ibýprofen jáne basqa da qajetti preparattar elimizdiń barlyq emhanalaryna jetkiziledi. Dári-dármekterdi jetkizý «SQ-Farmatsiia» kompaniiasy tarapynan júrgizilip jatyr», - dedi ol.
