دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ەلٸمٸزدە دەرٸ-دەرمەك تاپشىلىعى مەسەلەسٸ قالاي شەشٸلٸپ جاتقانىن ايتتى, دەپ حابارلايدى قازاقپارات.
«پروۆيزورلىق ورتالىقتاردا جەدەل ەرەكەت ەتۋ ٷشٸن مەدقىزمەتكەرلەردٸ دايىنداۋدان بٶلەك, دەرٸ-دەرمەكتەرمەن تولىقتىرۋ بويىنشا اۋقىمدى جۇمىس اتقارىلۋدا. كۆي-عا ۇقساس بەلگٸلەرٸ بار پنەۆمونييامەن سىرقاتتانعان ناۋقاستار ٷشٸن الدىن الا بٸر ايلىق قورعا ەسەپتەلٸنگەن اپپاراتتار ساتىپ الىندى. ٶڭٸرلەرگە 8,7 ملرد بولاتىن 91 تٷرلٸ دەرٸ-دەرمەك جٶنەلتٸلدٸ. بۇل ورتاشا ەسەپپەن 40 مىڭ ناۋقاسقا جەتەدٸ», - دەدٸ قوجاحمەتوۆ بٷگٸن ورتالىق كومۋمنيكاتسييالار قىزمەتٸندە.
ونىڭ سٶزٸنە قاراعاندا, 15 تامىزدان باستاپ تاعى ەكٸ ايعا جەتەتٸن قور ەزٸرلەنەدٸ. ستاتسيونارداعى 200 مىڭ ناۋقاسقا جەتەتٸن دەرٸ-دەرمەكتٸڭ 50 تٷرٸ ەزٸرلەندٸ.
«سونىمەن قاتار, امبۋلاتورلىق جاعدايدا ەم الاتىن بٸر ميلليون ناۋقاستى ەمدەۋگە ارنالعان دەرٸ-دەرمەكتٸڭ 5 تٷرٸن ساتىپ الۋ ٷردٸسٸ اياقتالۋدا. دەل وسىنداي اۋقىمدى شارالار العاشقى رەت قابىلدانىپ وتىر», - دەدٸ رەسمي ٶكٸل.
«سىرقاتتانىپ, ۆيرۋس جۇقتىرۋ بويىنشا كٷدٸكتەنسەڭٸز, تٸركەلگەن ەمحاناعا بارىپ قارالساڭىز بولادى. ەگەر ۆيرۋس جۇقتىرعانىڭىز انىقتالسا, بۇرىنعىداي دەرٸحانا جاعالاپ جٷرمەي-اق قويىڭىزدار! بارلىق ەمحانالاردا قاجەتتٸ دەرٸ-دەرمەك بار جەنە اقىسىز بەرٸلەدٸ. اتاپ ايتقاندا, پاراتسەتامول, يبۋپروفەن جەنە باسقا دا قاجەتتٸ پرەپاراتتار ەلٸمٸزدٸڭ بارلىق ەمحانالارىنا جەتكٸزٸلەدٸ. دەرٸ-دەرمەكتەردٸ جەتكٸزۋ «سق-فارماتسييا» كومپانيياسى تاراپىنان جٷرگٸزٸلٸپ جاتىر», - دەدٸ ول.
