Densaýlyq saqtaý vitse-ministri – bas memlekettik sanitar dáriger Erlan Qiiasov jańa qaýlyǵa qol qoidy. Onda halyqty koronavirýstyq infektsiiaǵa qarsy vaktsinatsiialaýdyń ádistemelik usynystary kórsetilgen, dep habarlaidy "Ult aqparat".
Qaýlyǵa sáikes, KVI-ǵa qarsy vaktsina aldymen infektsiiany juqtyrý qaýpi joǵary adamdarǵa salynady. Qujatta osy sanattaǵy mamandardyń tizimi kórsetilgen. Sol kezek boiynsha barlyǵy ekpe alady. Olar:
- meditsina qyzmetkerleri, eń aldymen, infektsiialyq aýrýhanalar, jedel járdem, reanimatsiia bólimsheleri, naýqastardy qabyldaý bólmesi, alǵashqy meditsinalyq-sanitarlyq kómek qyzmetiniń meditsina qyzmetkerleri, sanitarlyq-epidemiologiialyq qyzmet jumysshylary;
- pedagogtar;
- ýchaskelik politseiler;
- stýdentter;
- meditsinalyq-áleýmettik jáne jabyq balalar mekemelereniń ujymdary;
- tótenshe jaǵdailar, qorǵanys pen ishki ister ministrlikteri, ulttyq qaýipsizdik komiteti, Qazaqstan Respýblikasynyń memlekettik kúzet qyzmeti;
- QR Prezidentiniń is basqarmasy, memlekettik qyzmetshiler, Qazaqstanda tirkelgen diplomatiialyq jáne konsýldyq mekemelerinde jumys isteitin Qazaqstan azamattary, ulttyq qurama komandalarynyń músheleri;
- sozylmaly aýrýy bar adamdar (qant diabeti, ókpeniń obstrýktivti aýrýy, júrek-qan tamyr júiesi).
Vaktsina kimge salynbaidy?
-
KVI-diń aýyr jáne simptomsyz formasymen aýyratyndar;
-
infektsiialyq aýrýlarǵa, sonyń ishinde KVI-ge shaldyqqan adamdarmen qarym-qatynasta bolǵandar (Olarǵa vaktsina karantin merzimi aiaqtalǵan soń salynady).
Aita ketken jón, buǵan deiin densaýlyq saqtaý ministrligi vaktsina salynbaityn adamdardyń tizimin jariialaǵan bolatyn. Ony myna jerden kórýge bolady.
Vaktsinatsiianyń aldynda antidenelerdi anyqtaýǵa arnalǵan skrining pen PTR-test jasalmaidy. Al koronavirýstyń kez kelgen formasymen aýyryp shyqqandarǵa tek alty aidan keiin ǵana ekpe alýǵa keńes berilip otyr.
Ekpe salynatyn árbir meditsinalyq pýnkte kúnine 60 vaktsinatsiia ǵana jasalady. Al úige baryp, vaktsina salatyn meditsina qyzmetkerleri bir kúnde 40 ekpe jasaidy.
Jappai vaktsinatsiia
Qazaqstanda biyl 1 aqpanda jappai vaktsinatsiialaý bastalady. Infektsiiany juqtyrý jáne taratý qaýpi joǵary halyqtyń osal toptaryna kezeń-kezeńmen reseilik "Spýtnik V" vaktsinasy egiledi. Vaktsinatsiialaý erikti túrde jáne tegin salynady.
Aita ketetin jait, "Spýtnik V" 18 jasqa deiingi balalarǵa salynbaidy. Iaǵni, ekpe Qazaqstannyń kámelet jasyna tolǵan azamattaryna ǵana salynady.
Densaýlyq saqtaý ministrligi jyl sońyna deiin 6 million qazaqstandyqqa vaktsina salýdy josparlap otyr.
Al 2021 jyldyń naýryz aiynda COVID-19-ǵa qarsy qazaqstandyq vaktsinamen jappai egý bastalady.
Qazir QazCovid-in vaktsinasyn klinikalyq synaqtan ótkizýdiń sońǵy III satysy ótip jatyr. Onyń aiasynda vaktsina 3 myń eriktige egildi.
