دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ جاڭا قاۋلىعا قول قويدى. وندا حالىقتى كوروناۆيرۋستىق ينفەكتسيياعا قارسى ۆاكتسيناتسييالاۋدىڭ ەدٸستەمەلٸك ۇسىنىستارى كٶرسەتٸلگەن, دەپ حابارلايدى "ۇلت اقپارات".
قاۋلىعا سەيكەس, كۆي-عا قارسى ۆاكتسينا الدىمەن ينفەكتسييانى جۇقتىرۋ قاۋپٸ جوعارى ادامدارعا سالىنادى. قۇجاتتا وسى ساناتتاعى مامانداردىڭ تٸزٸمٸ كٶرسەتٸلگەن. سول كەزەك بويىنشا بارلىعى ەكپە الادى. ولار:
- مەديتسينا قىزمەتكەرلەرٸ, ەڭ الدىمەن, ينفەكتسييالىق اۋرۋحانالار, جەدەل جەردەم, رەانيماتسييا بٶلٸمشەلەرٸ, ناۋقاستاردى قابىلداۋ بٶلمەسٸ, العاشقى مەديتسينالىق-سانيتارلىق كٶمەك قىزمەتٸنٸڭ مەديتسينا قىزمەتكەرلەرٸ, سانيتارلىق-ەپيدەميولوگييالىق قىزمەت جۇمىسشىلارى;
- پەداگوگتار;
- ۋچاسكەلٸك پوليتسەيلەر;
- ستۋدەنتتەر;
- مەديتسينالىق-ەلەۋمەتتٸك جەنە جابىق بالالار مەكەمەلەرەنٸڭ ۇجىمدارى;
- تٶتەنشە جاعدايلار, قورعانىس پەن ٸشكٸ ٸستەر مينيسترلٸكتەرٸ, ۇلتتىق قاۋٸپسٸزدٸك كوميتەتٸ, قازاقستان رەسپۋبليكاسىنىڭ مەملەكەتتٸك كٷزەت قىزمەتٸ;
- قر پرەزيدەنتٸنٸڭ ٸس باسقارماسى, مەملەكەتتٸك قىزمەتشٸلەر, قازاقستاندا تٸركەلگەن ديپلوماتييالىق جەنە كونسۋلدىق مەكەمەلەرٸندە جۇمىس ٸستەيتٸن قازاقستان ازاماتتارى, ۇلتتىق قۇراما كوماندالارىنىڭ مٷشەلەرٸ;
- سوزىلمالى اۋرۋى بار ادامدار (قانت ديابەتٸ, ٶكپەنٸڭ وبسترۋكتيۆتٸ اۋرۋى, جٷرەك-قان تامىر جٷيەسٸ).
ۆاكتسينا كٸمگە سالىنبايدى?
-
كۆي-دٸڭ اۋىر جەنە سيمپتومسىز فورماسىمەن اۋىراتىندار;
-
ينفەكتسييالىق اۋرۋلارعا, سونىڭ ٸشٸندە كۆي-گە شالدىققان ادامدارمەن قارىم-قاتىناستا بولعاندار (ولارعا ۆاكتسينا كارانتين مەرزٸمٸ اياقتالعان سوڭ سالىنادى).
ايتا كەتكەن جٶن, بۇعان دەيٸن دەنساۋلىق ساقتاۋ مينيسترلٸگٸ ۆاكتسينا سالىنبايتىن ادامداردىڭ تٸزٸمٸن جارييالاعان بولاتىن. ونى مىنا جەردەن كٶرۋگە بولادى.
ۆاكتسيناتسييانىڭ الدىندا انتيدەنەلەردٸ انىقتاۋعا ارنالعان سكرينينگ پەن پتر-تەست جاسالمايدى. ال كوروناۆيرۋستىڭ كەز كەلگەن فورماسىمەن اۋىرىپ شىققاندارعا تەك التى ايدان كەيٸن عانا ەكپە الۋعا كەڭەس بەرٸلٸپ وتىر.
ەكپە سالىناتىن ەربٸر مەديتسينالىق پۋنكتە كٷنٸنە 60 ۆاكتسيناتسييا عانا جاسالادى. ال ٷيگە بارىپ, ۆاكتسينا سالاتىن مەديتسينا قىزمەتكەرلەرٸ بٸر كٷندە 40 ەكپە جاسايدى.
جاپپاي ۆاكتسيناتسييا
قازاقستاندا بيىل 1 اقپاندا جاپپاي ۆاكتسيناتسييالاۋ باستالادى. ينفەكتسييانى جۇقتىرۋ جەنە تاراتۋ قاۋپٸ جوعارى حالىقتىڭ وسال توپتارىنا كەزەڭ-كەزەڭمەن رەسەيلٸك "سپۋتنيك V" ۆاكتسيناسى ەگٸلەدٸ. ۆاكتسيناتسييالاۋ ەرٸكتٸ تٷردە جەنە تەگٸن سالىنادى.
ايتا كەتەتٸن جايت, "سپۋتنيك V" 18 جاسقا دەيٸنگٸ بالالارعا سالىنبايدى. ياعني, ەكپە قازاقستاننىڭ كەمەلەت جاسىنا تولعان ازاماتتارىنا عانا سالىنادى.
دەنساۋلىق ساقتاۋ مينيسترلٸگٸ جىل سوڭىنا دەيٸن 6 ميلليون قازاقستاندىققا ۆاكتسينا سالۋدى جوسپارلاپ وتىر.
ال 2021 جىلدىڭ ناۋرىز ايىندا COVID-19-عا قارسى قازاقستاندىق ۆاكتسينامەن جاپپاي ەگۋ باستالادى.
قازٸر QazCovid-in ۆاكتسيناسىن كلينيكالىق سىناقتان ٶتكٸزۋدٸڭ سوڭعى ٸٸٸ ساتىسى ٶتٸپ جاتىر. ونىڭ اياسىندا ۆاكتسينا 3 مىڭ ەرٸكتٸگە ەگٸلدٸ.
