Búgin QR Densaýlyq saqtaý ministri Eljan Birtanov pen Resei Federatsiiasynyń Densaýlyq saqtaý ministri Mihail Mýrashko telefon arqyly sóilesti, dep habarlaidy "Ult aqparat" ministrliktiń baspasóz qyzmetine silteme jasap.
Áńgime barysynda Eljan Birtanov Mihail Mýrashkony taǵaiyndalýymen quttyqtady jáne koronavirýstyq infektsiiaǵa qarsy kúreste kórsetken kómegi úshin jáne bizdiń azamattardy Ýhan qalasynan evakýatsiialaǵany úshin alǵys bildirdi.
Taraptar QR Densaýlyq saqtaý ministrliginiń jedel ortalyǵy arqyly turaqty bailanys ornatýǵa jáne aqparat almasýǵa kelisti.
Atap aitqanda, QR Densaýlyq saqtaý ministrligi Reseidiń Túmen qalasyndaǵy Ýhannan evakýatsiialanǵan úsh qazaqstandyq azamattyń jaǵdaiyna birlesip monitoring júrgizedi. Jerlesterimiz eki aptalyq karantinde otyr.
Aita ketý kerek, bul jaǵdai Densaýlyq saqtaý ministrliginiń turaqty baqylaýynda.
