Ótken táýlikte (5 aqpan) Qazaqstanda koronavirýs infektsiiasymen 1 141 adam tirkeýge alyndy. Táýlik ishinde osy dertten 5 adam kóz jumsa, 1 221 adam jazylyp shyqty. Úkimet bólek sanaqqa alǵan "simptomdary koronavirýsqa uqsas pnevmoniiamen" aýyrǵandar sanyn bir kún keshiktirip shyǵarady. Aldyńgúni bul dertke shaldyqqan 68 adam tirkelgen, ólim-jitim bolmaǵan.
Koronavirýspen eń kóp sanaqqa alynǵandar arasynda Pavlodar oblysy (223 adam), Nur-Sultan (161 adam) qalasy, Aqmola oblysy (153 adam) jáne Almaty qalasy (120 adam) kósh bastap tur. Qalǵan aimaqtarda Covid juqtyrǵandar sany 100-den aspaǵan. Joǵaryraq kórsetkish Qostanai (82 adam), Batys Qazaqstan (81 adam), Almaty (65 adam), Soltústik Qazaqstan (62 adam), Qaraǵandy (56 adam) Shyǵys Qazaqstan (48 adam) jáne Atyraý (45 adam) oblystarynda tirkelgen. Sondai-aq, Mańǵystaý oblysynda - 15, Aqtóbe oblysynda - 12, Jambyl oblysynda - 10, Shymkent qalasynda - 4, Qyzylorda oblysynda - 2, Túrkistan oblysynda 2 naýqas anyqtalǵan.
Densaýlyq saqtaý ministrligi saityndaǵy málimet boiynsha, osy kúni 27 200 adam koronovirýs infektsiiasy men soǵan uqsas pnevmoniiadan emdelip jatyr, olardyń ishinde 5 684 patsient statsionarda. Resmi derekke sensek:
- 271 adamnyń jaǵdaiy aýyr;
- 47 patsienttiń jaǵdaiy óte aýyr;
- 47 naýqas ókpeni jeldetý apparatynda jatyr.
Jalpy, 6 aqpandaǵy epidemiia ahýalyn baǵalaý matritsasyna sáikes, Qazaqstanda tek Aqmola jáne Pavlodar oblystary qaýipti degen "qyzyl" aimaqta tur. "Sary" aimaqta Batys Qazaqstanmen qatar Nur-Sultan qalasy, Shyǵys Qazaqstan, Qostanai, Atyraý, Qaraǵandy, Soltústik Qazaqstan oblystary bar. Qalǵandarynda qaýip deńgeii tómen.
Jalpy el boiynsha byltyrǵy naýryzdan beri koronavirýspen aýyrǵandar sany 193 966 adamǵa jetti. Al soǵan uqsas pnevmoniiamen 48 226 kisi tirkeldi. Úkimet mundai pnevmoniia sanaǵyn byltyrǵy tamyzdan ǵana júrgizedi.
Worldometers resýrsynyń reitingi boiynsha, Qazaqstan koronavirýs juqtyrǵandar sany boiynsha álemde 59-orynda tur.
