ٶتكەن تەۋلٸكتە (5 اقپان) قازاقستاندا كوروناۆيرۋس ينفەكتسيياسىمەن 1 141 ادام تٸركەۋگە الىندى. تەۋلٸك ٸشٸندە وسى دەرتتەن 5 ادام كٶز جۇمسا, 1 221 ادام جازىلىپ شىقتى. ٷكٸمەت بٶلەك ساناققا العان "سيمپتومدارى كوروناۆيرۋسقا ۇقساس پنەۆمونييامەن" اۋىرعاندار سانىن بٸر كٷن كەشٸكتٸرٸپ شىعارادى. الدىڭگٷنٸ بۇل دەرتكە شالدىققان 68 ادام تٸركەلگەن, ٶلٸم-جٸتٸم بولماعان.
كوروناۆيرۋسپەن ەڭ كٶپ ساناققا الىنعاندار اراسىندا پاۆلودار وبلىسى (223 ادام), نۇر-سۇلتان (161 ادام) قالاسى, اقمولا وبلىسى (153 ادام) جەنە الماتى قالاسى (120 ادام) كٶش باستاپ تۇر. قالعان ايماقتاردا Covid جۇقتىرعاندار سانى 100-دەن اسپاعان. جوعارىراق كٶرسەتكٸش قوستاناي (82 ادام), باتىس قازاقستان (81 ادام), الماتى (65 ادام), سولتٷستٸك قازاقستان (62 ادام), قاراعاندى (56 ادام) شىعىس قازاقستان (48 ادام) جەنە اتىراۋ (45 ادام) وبلىستارىندا تٸركەلگەن. سونداي-اق, ماڭعىستاۋ وبلىسىندا - 15, اقتٶبە وبلىسىندا - 12, جامبىل وبلىسىندا - 10, شىمكەنت قالاسىندا - 4, قىزىلوردا وبلىسىندا - 2, تٷركٸستان وبلىسىندا 2 ناۋقاس انىقتالعان.
دەنساۋلىق ساقتاۋ مينيسترلٸگٸ سايتىنداعى مەلٸمەت بويىنشا, وسى كٷنٸ 27 200 ادام كورونوۆيرۋس ينفەكتسيياسى مەن سوعان ۇقساس پنەۆمونييادان ەمدەلٸپ جاتىر, ولاردىڭ ٸشٸندە 5 684 پاتسيەنت ستاتسيوناردا. رەسمي دەرەككە سەنسەك:
- 271 ادامنىڭ جاعدايى اۋىر;
- 47 پاتسيەنتتٸڭ جاعدايى ٶتە اۋىر;
- 47 ناۋقاس ٶكپەنٸ جەلدەتۋ اپپاراتىندا جاتىر.
جالپى, 6 اقپانداعى ەپيدەمييا احۋالىن باعالاۋ ماتريتساسىنا سەيكەس, قازاقستاندا تەك اقمولا جەنە پاۆلودار وبلىستارى قاۋٸپتٸ دەگەن "قىزىل" ايماقتا تۇر. "سارى" ايماقتا باتىس قازاقستانمەن قاتار نۇر-سۇلتان قالاسى, شىعىس قازاقستان, قوستاناي, اتىراۋ, قاراعاندى, سولتٷستٸك قازاقستان وبلىستارى بار. قالعاندارىندا قاۋٸپ دەڭگەيٸ تٶمەن.
جالپى ەل بويىنشا بىلتىرعى ناۋرىزدان بەرٸ كوروناۆيرۋسپەن اۋىرعاندار سانى 193 966 ادامعا جەتتٸ. ال سوعان ۇقساس پنەۆمونييامەن 48 226 كٸسٸ تٸركەلدٸ. ٷكٸمەت مۇنداي پنەۆمونييا ساناعىن بىلتىرعى تامىزدان عانا جٷرگٸزەدٸ.
Worldometers رەسۋرسىنىڭ رەيتينگٸ بويىنشا, قازاقستان كوروناۆيرۋس جۇقتىرعاندار سانى بويىنشا ەلەمدە 59-ورىندا تۇر.
