Qazaqstanda sońǵy aptada koronavirýs juqtyrǵandar 15 paiyzǵa artty. Bul týraly QR memlekettik bas sanitarlyq dárigeri Aijan Esmaǵambetova aitty, dep habarlaidy "Ult aqparat".
«Álemde koronavirýstyq infektsiia boiynsha syrqattaný jaǵdaiy áli de turaqsyz. Aýyrǵandardyń sany ósip otyr. Búgingi kúni álemde barlyǵy 5 millionǵa jýyq adam aýyryp, onyń ishinde 324 myń adam qaitys boldy. Búgingi kúnge Qazaqstanda 6 969 jaǵdai tirkeldi. Kúndelikti emdelip shyqqan adamdardyń sany artyp keledi. Barlyǵy 3 649 adam jazylyp shyqty. Bul aýyrǵandardyń 50 paiyzyn quraidy. Sońǵy táýlikte elde 218 jańa jaǵdai tirkeldi. Ósý qarqyny 3,2 paiyzdy qurady. Onyń ishinde 25-i naýqastarmen bailanysta bolǵandar, 28-i skrining barysynda anyqtalǵandar, 21-i aýrýhanaǵa júgingender, 17-si syrttan ákelgender», - dedi Bas sanitarlyq dáriger Ortalyq kommýnikatsiialar qyzmetindegi brifingte.
Onyń atap ótýinshe, sońǵy apta ishinde elimizde koronvirýspen syrqattanýdyń ósimi 15 paiyzǵa jetip otyr.
«Bul eń aldymen koronavirýs infektsiiasyna test ótkizý kóleminiń artýymen bailanysty. Koronavirýs infektsiiasy tirýelgen sáttten beri búgingi kúnge deiin 559 myńnan astam test jasaldy. Naýryz aiymen salystyrǵanda táýlik ishinde testileý sany 6 myńnan 23 myńǵa deiin ulǵaidy. Bul táýekel tobyna kiretin tulǵalar arasynda skrining júrgizý arqyly naýqastardy anyqtaýǵa baǵyttalǵan jumystar júrgizýimizge múmkindik berdi», - dedi Aijan Esmaǵambetova.
