Abai oblysynda urlyq jasaǵany úshin 3 jyl 6 aiǵa sottalǵan 33 jastaǵy Filippin azamaty amnistiiamen merziminen buryn bosatyldy. Endi ol otanyna qaitady, dep habarlaidy ult.kz.
Óńirlik QAJD málimetinshe, sheteldik áiel Qazaqstanǵa bes jyl buryn jumys isteýge kelgen. Jazasyn áielder koloniiasynda ótep júrgen kezinde tiginshilik mamandyǵyn meńgerip, qazaq tilin úirengen.
Amnistiia týraly zańǵa sáikes, ol jazasynyń qalǵan bóligin óteýden bosatyldy. Qazir kóshi-qon qyzmeti ony Qazaqstan aýmaǵynan shyǵaryp salý rásimin júrgizip jatyr.
Áieldiń aitýynsha, Filippinde ony anasy men sińlisi kútip otyr. Bes jyl boiy jaqyndaryn kórmegen ol úiine oralyp, jumys taýyp, ómirin qaita bastaǵysy keletinin aitty.
