قازاقستاندا سوڭعى اپتادا كوروناۆيرۋس جۇقتىرعاندار 15 پايىزعا ارتتى. بۇل تۋرالى قر مەملەكەتتٸك باس سانيتارلىق دەرٸگەرٸ ايجان ەسماعامبەتوۆا ايتتى, دەپ حابارلايدى "ۇلت اقپارات".
«ەلەمدە كوروناۆيرۋستىق ينفەكتسييا بويىنشا سىرقاتتانۋ جاعدايى ەلٸ دە تۇراقسىز. اۋىرعانداردىڭ سانى ٶسٸپ وتىر. بٷگٸنگٸ كٷنٸ ەلەمدە بارلىعى 5 ميلليونعا جۋىق ادام اۋىرىپ, ونىڭ ٸشٸندە 324 مىڭ ادام قايتىس بولدى. بٷگٸنگٸ كٷنگە قازاقستاندا 6 969 جاعداي تٸركەلدٸ. كٷندەلٸكتٸ ەمدەلٸپ شىققان ادامداردىڭ سانى ارتىپ كەلەدٸ. بارلىعى 3 649 ادام جازىلىپ شىقتى. بۇل اۋىرعانداردىڭ 50 پايىزىن قۇرايدى. سوڭعى تەۋلٸكتە ەلدە 218 جاڭا جاعداي تٸركەلدٸ. ٶسۋ قارقىنى 3,2 پايىزدى قۇرادى. ونىڭ ٸشٸندە 25-ٸ ناۋقاستارمەن بايلانىستا بولعاندار, 28-ٸ سكرينينگ بارىسىندا انىقتالعاندار, 21-ٸ اۋرۋحاناعا جٷگٸنگەندەر, 17-سٸ سىرتتان ەكەلگەندەر», - دەدٸ باس سانيتارلىق دەرٸگەر ورتالىق كوممۋنيكاتسييالار قىزمەتٸندەگٸ بريفينگتە.
ونىڭ اتاپ ٶتۋٸنشە, سوڭعى اپتا ٸشٸندە ەلٸمٸزدە كورونۆيرۋسپەن سىرقاتتانۋدىڭ ٶسٸمٸ 15 پايىزعا جەتٸپ وتىر.
«بۇل ەڭ الدىمەن كوروناۆيرۋس ينفەكتسيياسىنا تەست ٶتكٸزۋ كٶلەمٸنٸڭ ارتۋىمەن بايلانىستى. كوروناۆيرۋس ينفەكتسيياسى تٸرۋەلگەن سەتتتەن بەرٸ بٷگٸنگٸ كٷنگە دەيٸن 559 مىڭنان استام تەست جاسالدى. ناۋرىز ايىمەن سالىستىرعاندا تەۋلٸك ٸشٸندە تەستٸلەۋ سانى 6 مىڭنان 23 مىڭعا دەيٸن ۇلعايدى. بۇل تەۋەكەل توبىنا كٸرەتٸن تۇلعالار اراسىندا سكرينينگ جٷرگٸزۋ ارقىلى ناۋقاستاردى انىقتاۋعا باعىتتالعان جۇمىستار جٷرگٸزۋٸمٸزگە مٷمكٸندٸك بەردٸ», - دەدٸ ايجان ەسماعامبەتوۆا.
