Qaskeleńdegi meshitte kámeletke tolmaǵandarǵa kúsh qoldaný faktisi boiynsha qylmystyq is qozǵaldy, dep habarlaidy ult.kz HALYQSTAN Telegram arnasyna silteme jasap.
Bul týraly Almaty oblysy politsiia departamenti málimdedi.
Politsiianyń málimetinshe, oqiǵa biyl 2 maýsymda meshit aýmaǵynda bolǵan. Qazir kámeletke tolmaǵandar men olardyń ata-analarymen qajetti protsessýaldyq áreketter júrgizilip jatyr.
«Tergeý baqylaýda. Oqytýshynyń áreketine zańǵa sáikes quqyqtyq baǵa beriledi», – dep habarlady politsiia.
Buǵan deiin Qazaqstan musylmandary dini basqarmasy videoda «Túrkistan-1» meshitiniń oqytýshysy Dúisehan Nurberdi beinelengenin habarlaǵan.
QMDB málimetinshe, oqýshylar arasynda janjal týyndaǵan. Al oqytýshy tártipke shaqyrý kezinde emotsiiaǵa berilip, pedagogikalyq ádepke sai kelmeitin áreketke barǵan.
Oqiǵadan keiin meshitte arnaiy jiyn ótip, Dúisehan Nurberdi óz qateligin moiyndap, oqýshylardyń ata-analarynan keshirim suraǵan. QMDB ata-analar oqytýshyǵa qatysty talap-aryzy joq ekenin jazbasha rastaǵanyn málimdedi.
Keiin QMDB buiryǵymen Dúisehan Nurberdi meshit oqytýshysy qyzmetinen bosatylǵan.
