Qazaqstanda koronavirýstyń órshýine bailanysty qosymsha shekteý sharalary engizildi. Bul týraly QR Premer-Ministriniń orynbasary Eraly Toǵjanov aityp berdi, dep habarlaidy QazAqparat.
«Bir ǵana Nur-Sultan qalasy boiynsha statsionarlarda em alatyn adamdardyń sany 200 adamnan 1000-ǵa deiin, iaǵni 5 esege ósken. Bul jaǵdai Densaýlyq saqtaý júiesine úlken júkteme artyp otyr. Osyǵan bailanysty vedomstvoaralyq komissiia qosymsha shekteý sharalaryn qabyldady», - dedi Toǵjanov Ortalyq kommýnikatsiialar qyzmetinde.
Spikerdiń aitýynsha, vaktsinalaý mártebesine qaramastan, shetelden kelgenderdiń barlyǵynda teris PTR testiniń bolýy mindetteldi.
Ashyq baǵdarlamasy boiynsha «jasyl» mártebe bolǵanda ǵana jumys isteýge ruqsat etilgen obektiler tizbesi keńeitildi.
«Óńirlerdegi epidemiologiialyq ahýalǵa bailanysty oqýshylardy, stýdentterdi oqytýǵa differentsialdy tásil qoldanylady. Halyq kóp jinalatyn oryndarǵa qosymsha shekteýler engizildi. Bul májbúrli sharalar, eń aldymen, azamattarymyzdy qorǵaýǵa baǵyttalǵan», - dep túsindirdi Toǵjanov.
