قازاقستاندا كوروناۆيرۋستىڭ ٶرشۋٸنە بايلانىستى قوسىمشا شەكتەۋ شارالارى ەنگٸزٸلدٸ. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتىپ بەردٸ, دەپ حابارلايدى قازاقپارات.
«بٸر عانا نۇر-سۇلتان قالاسى بويىنشا ستاتسيونارلاردا ەم الاتىن ادامداردىڭ سانى 200 ادامنان 1000-عا دەيٸن, ياعني 5 ەسەگە ٶسكەن. بۇل جاعداي دەنساۋلىق ساقتاۋ جٷيەسٸنە ٷلكەن جٷكتەمە ارتىپ وتىر. وسىعان بايلانىستى ۆەدومستۆوارالىق كوميسسييا قوسىمشا شەكتەۋ شارالارىن قابىلدادى», - دەدٸ توعجانوۆ ورتالىق كوممۋنيكاتسييالار قىزمەتٸندە.
سپيكەردٸڭ ايتۋىنشا, ۆاكتسينالاۋ مەرتەبەسٸنە قاراماستان, شەتەلدەن كەلگەندەردٸڭ بارلىعىندا تەرٸس پتر تەستٸنٸڭ بولۋى مٸندەتتەلدٸ.
Ashyq باعدارلاماسى بويىنشا «جاسىل» مەرتەبە بولعاندا عانا جۇمىس ٸستەۋگە رۇقسات ەتٸلگەن وبەكتٸلەر تٸزبەسٸ كەڭەيتٸلدٸ.
«ٶڭٸرلەردەگٸ ەپيدەميولوگييالىق احۋالعا بايلانىستى وقۋشىلاردى, ستۋدەنتتەردٸ وقىتۋعا ديففەرەنتسيالدى تەسٸل قولدانىلادى. حالىق كٶپ جينالاتىن ورىندارعا قوسىمشا شەكتەۋلەر ەنگٸزٸلدٸ. بۇل مەجبٷرلٸ شارالار, ەڭ الدىمەن, ازاماتتارىمىزدى قورعاۋعا باعىتتالعان», - دەپ تٷسٸندٸردٸ توعجانوۆ.
