Qazaqstanda koronavirýsqa shaldyqqany testpen dáleldengender 1397 adamǵa kóbeidi. Bul týraly 27 qańtarda tańerteń densaýlyq saqtaý ministrligi habarlady. 130 adamnan koronavirýs pnevmoniiasy anyqtalǵan. Bir kúnde 16 adam ólimi tirkelgen: 15 adam - koronavirýstan, 1 adam koronavirýs pnevmoniiasynan qaitys boldy dep aitylady.
Resmi málimet boiynsha, Qazaqstanda naýryz aiynan beri koronavirýs juqtyrǵandar 181 117 adamǵa jetti. 163 156-y jazylǵan. Ótken táýlikte 1398 adam aiyqqan. 2020 jyldyń naýryz aiynan beri 2510 adam qaitys bolǵan.
Qazaqstan biligi 2020 jyldyń 1 tamyzynan beri pnevmoniianyń koronavirýsqa uqsas túrine jeke kod berip, bólek eseptep keledi. Sodan beri 47 575 adamnan koronavirýs pnevmoniiasy anyqtalǵan. 559 adam qaitys bolǵan. 35 348 adam jazylǵan.
Ótken táýlikte Qazaqstanda PTR testi oń shyqqan 1 397 adam tirkeldi. Pavlodar oblysy (219) men Aqmola oblysynda (213) 200-den astam adamnan koronavirýs anyqtalǵan.
Almatyda - 139, Nur-Sultanda - 147, Shyǵys Qazaqstan oblysynda – 53, Atyraý oblysynda – 70, Qaraǵandy oblysynda – 78, Batys Qazaqstan oblysynda - 95, Soltústik Qazaqstan oblysynda – 108, Qostanai oblysynda - 141, Almaty oblysynda - 64, Shymkent qalasynda - 10, Jambyl oblysynda - 23, Túrkistan oblysynda - 10, Mańǵystaý oblysynda - 10, Aqtóbe oblysynda - 6, Qyzylorda oblysynda 11 naýqas tirkelgen.
27 qańtardaǵy málimet boiynsha, elimizde 27 119 adam koronovirýs infektsiiasynan (15 451 KVI+ jáne 11 668 KVI-) emdelip jatyr.
Onyń ishinde 6 492 patsient statsionarda, 20 627 naýqas ambýlatoriialyq deńgeide em qabyldaýda.
Koronavirýsqa shaldyqqandar arasynda:
• 266 adamnyń jaǵdaiy aýyr;
• 39 patsienttiń jaǵdaiy óte aýyr;
• 38 naýqas ÓJJ apparatynda jatyr.
Djons Hopkins ýniversitetiniń málimeti boiynsha, álemde koronavirýs juqtyrǵandar 100 mln adamnan asty. 55,3 mln adam jazylǵan. 2 mln 154 myń naýqas qaitys bolǵan.
