Qazaqstanda koronavirýstyń taralýyna jol bermeý jónindegi vedomstvoaralyq komissiia el aimaqtaryndaǵy epidemiologiialyq jaǵdaidy baǵalaý matritsasyn jariialady, dep habarlaidy "Ult aqparat".
2021 jyldyń 30 naýryzyndaǵy jaǵdai boiynsha, Nur-Sultan, Almaty qalalary men Atyraý jáne Batys Qazaqstan oblysy «qyzyl» aimaqta tur.
«Sary» aimaqta Aqtóbe, Almaty jáne Qaraǵandy oblystary ornalasqan.
Qalǵan óńirler - «jasyl» aimaqta.
Al Qazaqstan «qyzyl» aimaqqa ótti.
Eske sala ketsek, Qazaqstanda bir táýlikte 1 445 adam koronavirýs juqtyrdy. Eń kóbi Almaty qalasynda - 545 adam. Sondai-aq elimizde 863 adam koronavirýs indetinen emdelip shyqty.
Qazir emdeý mekemelerinde 24 180 adam koronovirýs infektsiiasynan em-dom alyp júr.
29 naýryzda 17 adam koronavirýstan qaitys boldy. Onyń ekeýi koronavirýs infektsiiasynyń belgisi bar pnevmoniiasymen aýyrǵan.
