Qaraǵandy oblysy Buqar Jyraý aýdanynyń Tsentralnoe aýylynda koronavirýs infektsiiasyna bailanysty karantin engizildi. Indet Reseidiń Omby qalasynan kelgen qonaqta rastaldy. Bailanysta bolǵandar arasynda da aýrý jaǵdailary tirkeldi, dep habarlaidy "Ult aqparat".
Epidemiologiialyq jaǵdaidyń kúrdelenýine bailanysty Buqar Jyraý aýdanynyń bas memlekettik sanitarlyq dárigeriniń qaýlysymen Tsentralnoe aýylyna karantin engizildi. Blokpostar ornatyldy. Karantindik aimaqqa kirýge jáne odan shyǵýǵa tyiym salyndy.
Aýyl turǵyndary karantin rejimin saqtaýǵa mindetti. Úiden tek jumysqa, jaqyn dúkenderge nemese dárihanalarǵa barýǵa bolady.
Karantin sońǵy naýqas emdelip shyqqanǵa deiin deiin jalǵasady.
Shekteýlerdi alyp tastaý týraly qosymsha habarlanady.
Jergilikti bilik ókilderi Qaraǵandy oblysynyń turǵyndaryna betperde rejimin, qashyqtyqty saqtaý, sondai-aq antiseptikterdi paidalaný qajettiligi týraly eske salady.
