Eýropa elderinde koronavirýs juqtyrǵandar sany kún sanap artyp jatyr. Úkimet infektsiianyń taralýymen kúres sharalaryn kúsheitip jatyr, dep habarlaidy euronews agenttigi.
Pandemiia kezinde 640 myń adam infektsiiaǵa shaldyqqan Ispaniiada COVID-19-dyń jańa taralý aimaqtary tirkelip jatyr. Madrid avtonomdy qoǵamynyń biligi 37 aimaqta adamdardyń júrip-turýyna shekteý qoidy. Bul aýdannyń 13% turǵynyn qamtidy.
«Kórsetilgen aimaq turǵyndaryna asa qajettilik bolmasa aýdannan ketýge tyiym salynady. Adamdarǵa meditsinalyq keńes alý, jumys nemese oqýǵa qatysty kelisimshart mindettemeleri, qart týystaryna qamqorlyq kórsetý úshin ǵana úiden shyǵýǵa ruqsat etilgen. Aýdandardyń ishinde júrip-turýǵa bolady, biraq alty adamnan artyq toptaspaý kerek. Saiabaq pen baqtardyń jumysy ýaqytsha toqtatylady», - dep habarlady Madrid avtonomdy qoǵamy úkimetiniń basshysy Isabel Dias Aiýso.
Frantsiiada bir táýlikte koronavirýs juqtyrǵandar sany 13 215-ke jetti, bul karantin alynǵannan keiingi rekordtyq kórsetkish. Keiingi 24 saǵatta COVID-19-dan 123 naýqas qaitys boldy. Qazir negizinen virýs juqtyratyn – jastar. 75 jastan asqan infektsiiaǵa shaldyqqan adamdardyń da sany artyp jatyr.
Portýgaliia premeri Antoniý Koshtanyń aitýynsha, elde naýqastar sany artyp keledi. Kabinet basshysy eger osy úrdis saqtalsa, kelesi aptada elde kúnine myń jańa juqtyrý oqiǵalaryna deiin tirkelýi múmkin ekenin aitty. Koshta otandastaryn sanitariia erejelerin saqtaýǵa shaqyrdy.
Izrailde Rosh ha-Shanaǵa (evrei Jańa jyly) birneshe saǵat qalǵanda keiingi ailardaǵy ekinshi qatań karantin engizildi. Ol úsh aptaǵa sozylady. Jergilikti BAQ-tyń habarlaýynsha, Izrail jańa koronavirýs pandemiiasy kezinde karantindi qaita engizip otyrǵan alǵashqy el.
