ەۋروپا ەلدەرٸندە كوروناۆيرۋس جۇقتىرعاندار سانى كٷن ساناپ ارتىپ جاتىر. ٷكٸمەت ينفەكتسييانىڭ تارالۋىمەن كٷرەس شارالارىن كٷشەيتٸپ جاتىر, دەپ حابارلايدى euronews اگەنتتٸگٸ.
پاندەمييا كەزٸندە 640 مىڭ ادام ينفەكتسيياعا شالدىققان يسپانييادا COVID-19-دىڭ جاڭا تارالۋ ايماقتارى تٸركەلٸپ جاتىر. مادريد اۆتونومدى قوعامىنىڭ بيلٸگٸ 37 ايماقتا ادامداردىڭ جٷرٸپ-تۇرۋىنا شەكتەۋ قويدى. بۇل اۋداننىڭ 13% تۇرعىنىن قامتيدى.
«كٶرسەتٸلگەن ايماق تۇرعىندارىنا اسا قاجەتتٸلٸك بولماسا اۋداننان كەتۋگە تىيىم سالىنادى. ادامدارعا مەديتسينالىق كەڭەس الۋ, جۇمىس نەمەسە وقۋعا قاتىستى كەلٸسٸمشارت مٸندەتتەمەلەرٸ, قارت تۋىستارىنا قامقورلىق كٶرسەتۋ ٷشٸن عانا ٷيدەن شىعۋعا رۇقسات ەتٸلگەن. اۋدانداردىڭ ٸشٸندە جٷرٸپ-تۇرۋعا بولادى, بٸراق التى ادامنان ارتىق توپتاسپاۋ كەرەك. ساياباق پەن باقتاردىڭ جۇمىسى ۋاقىتشا توقتاتىلادى», - دەپ حابارلادى مادريد اۆتونومدى قوعامى ٷكٸمەتٸنٸڭ باسشىسى يسابەل دياس ايۋسو.
فرانتسييادا بٸر تەۋلٸكتە كوروناۆيرۋس جۇقتىرعاندار سانى 13 215-كە جەتتٸ, بۇل كارانتين الىنعاننان كەيٸنگٸ رەكوردتىق كٶرسەتكٸش. كەيٸنگٸ 24 ساعاتتا COVID-19-دان 123 ناۋقاس قايتىس بولدى. قازٸر نەگٸزٸنەن ۆيرۋس جۇقتىراتىن – جاستار. 75 جاستان اسقان ينفەكتسيياعا شالدىققان ادامداردىڭ دا سانى ارتىپ جاتىر.
پورتۋگالييا پرەمەرٸ انتونيۋ كوشتانىڭ ايتۋىنشا, ەلدە ناۋقاستار سانى ارتىپ كەلەدٸ. كابينەت باسشىسى ەگەر وسى ٷردٸس ساقتالسا, كەلەسٸ اپتادا ەلدە كٷنٸنە مىڭ جاڭا جۇقتىرۋ وقيعالارىنا دەيٸن تٸركەلۋٸ مٷمكٸن ەكەنٸن ايتتى. كوشتا وتانداستارىن سانيتارييا ەرەجەلەرٸن ساقتاۋعا شاقىردى.
يزرايلدە روش حا-شاناعا (ەۆرەي جاڭا جىلى) بٸرنەشە ساعات قالعاندا كەيٸنگٸ ايلارداعى ەكٸنشٸ قاتاڭ كارانتين ەنگٸزٸلدٸ. ول ٷش اپتاعا سوزىلادى. جەرگٸلٸكتٸ باق-تىڭ حابارلاۋىنشا, يزرايل جاڭا كوروناۆيرۋس پاندەميياسى كەزٸندە كارانتيندٸ قايتا ەنگٸزٸپ وتىرعان العاشقى ەل.
