AQSh-tyń joǵary shendi saiasatkerleri meiramhanalardan túski as iship, kýrorttarǵa ushady, al halyqqa úide otyrýdy buiyrady, ispandyqtar Rojdestvoda basqa aimaqtardaǵy týystaryna bara almaidy, Chehiia uzaqqa sozylǵan lokdaýnnan shyǵady. Bul týraly VVS habarlady.
AQSh-ta Tehas astanasy Ostinniń merimen janjal shyqty. Demokrat Stiv Adler birneshe ret qala turǵyndaryn epidemiologiialyq normalardy saqtaýǵa, áleýmettik qashyqtyq týraly umytpaýǵa, múmkindiginshe úiden jumys isteýge jáne qoǵamdyq oryndarǵa jii barmaýǵa shaqyrdy. Ostin turǵyndaryna arnalǵan sońǵy beineúndeýlerdiń birinde ol: «Qazir demalatyn ýaqyt emes. Biz (adamdardyń tártibin) muqiiat qadaǵalaimyz. Eger saq bolmasaq, kóp nárseni jabýǵa týra keledi» degen.
Alaida, Austin American-Statesman jergilikti basylymy mer beinerolikti óz otbasymen birge jeke ushaqpen ushyp ketken meksikalyq kýrorttardyń birinde jazǵanyn bildi.
Sonymen birge, AQSh-ta virýstan aýyrǵandar men qaitys bolǵandardyń táýliktik kórsetkishteri boiynsha óziniń antirekordyn jańartty. Sońǵy 24 saǵat ishinde sáikesinshe 195,6 myń aýyrsa jáne 2733 adam. Epidemiia bastalǵannan beri eldegi aýrýǵa shaldyǵý jaǵdailarynyń jalpy sany 14 million adamǵa jýyqtady, 264 myńnan astam qaitys boldy.
Los-Andjeles qalasynyń meri qala turǵyndaryna úilerinen shyqpaý týraly shuǵyl ókim shyǵardy. Ókim jariialanǵan kezde kúshine endi.
Beisenbi kúni Ispaniia biligi merekelik kezeńde aimaqtar arasynda qozǵalýǵa tyiym salynatynyn rastady.
Italiiada 21 jeltoqsannan 6 qańtarǵa deiin provintsiialar arasynda qozǵalysqa tyiym salynady.
Frantsiia halyqty vaktsinatsiialaýdyń birinshi kezeńin bastaýǵa daiyn. Aldaǵy ýaqytta 100 mln adam ekpe alady. Portýgaliia beisenbide tegin vaktsinatsiia josparlary týraly jariialaidy. Buǵan deiin el biligi 22 million doza satyp alýdy josparlap otyrǵanyn aitqan, biraq vaktsinatsiia protsesin uiymdastyrýǵa ýaqyt qajet.
Beisenbide Chehiiada 6 aptalyq úzilisten keiin dúkender, meiramhanalar, sportzaldar, basseinder men murajailar ashylady. Kelýshiler sanyna shekteý qoiylady. Teatrlar men kinoteatrlar áli jumysyn qaita bastai almaidy. Táýliktik aýrý juqtyrý deńgeii áli de joǵary, biraq biliktiń aitýynsha, kórsetkish tómendeýiniń aiqyn dinamikasy kórinedi. Ótken táýlikte elde 4,5 myńnan astam aýrýǵa shaldyǵý jaǵdaiy anyqtaldy, bul ótken aptadaǵy táýliktik kórsetkishten az.
Germaniiada sońǵy táýlikte taǵy 479 adam koronavirýstan qaitys boldy. Keshe keshke barlyq 16 federaldy shtattyń biligi shekteýlerdi 10 qańtarǵa deiin uzartýǵa kelisti. Atap aitqanda, qonaq úiler men meiramhanalar jabyq kúiinde qalady. Buǵan deiin Berlin mundai sharalardy talap etken, Germaniia kantsleri Angela Merkel federaldy shtattar basshylarynyń atalǵan shekteýlerge kelispeýi ult densaýlyǵyna qaýip tóndiretinin aitqan.
