Qytaida tirkelgen koronavirýs infektsiiasyna bailanysty Qazaqstannyń shekaralyq jáne kedendik qyzmeti baqylaýdy kúsheitti, dep habarlaidy "Ult aqparat" Habar 24 arnasyna silteme jasap.
Bas sanitar dárigerdiń tapsyrmasymen jolaýshylarǵa arnaiy jadynamalar taratylyp, aýrýdyń aldyn alý sharalary júrgizilýde.
Álemde buryn-sońdy bolmaǵan bul derttiń belgileri qandai? A tipti pnevmoniia aýrýy Qytaidyń Ýhan qalasynda ótken jyldyń sońynda tirkelgen.
Al bizdiń eldegi qoǵamdyq densaýlyq saqtaý qyzmetkerleriniń sózinshe, buryn-sońdy bolmaǵan virýstyń belgileri qarapaiym tumaýǵa uqsaidy.
«Bul aýrý buryn adamdarda tirkelmegen koronavirýs. Buny bólip alyp, laboratoriialarda zerttep jatyr. Bul aýrýdyń klinikalyq kórinisi jalpy respiratorlyq sindrom aýrýlarymen birdei. Jeńil ǵana túshkirý jótelýden bastalady. Ármen qarai dene qyzýynyń kóterilýi, aýyr demalý, pnevmoniia óte aýyr jaǵdailarda ólimge ákeledi», - deidi QR QDSO juqpaly aýrýlardyń aldyn alý departamentiniń direktory Jumabek Bekenov.
Mamandar Qytaidaǵy infektsiialyq aýrý janýarlar arqyly nemese teńiz ónimderinen taraldy degen pikirde. Sońǵy derekterge sai aýrýdyń adamnan adamǵa juǵý faktileri tirkelmegen Degenmen, saqtyqta qorlyq joq. Sondyqtan shekarada Qytaidan kelgen jolaýshylar jiti tekserýden ótedi.
Áýejaidyń sanitarlyq-karantindik baqylaý qyzmeti halyqaralyq reispen kelgen ár jolaýshyny teplovizor arqyly tekseredi. Bul qurylǵy adamnyń dene qyzýyn anyqtaidy. Eger jolaýshynyń qyzýy joǵary bolsa, ol birden oqshaýlandyrylyp meditsinalyq tekserýden ótedi. Jalpy jyl basynan beri Qytaidan Qazaqstanǵa 10 myńǵa jýyq jolaýshy kelgen.
«Qazirgi tańda Qytai Halyq Respýblikasynan 28 áýe reisi keledi. Onyń 18-i - Almaty qalasyna, 10 reis - Nur-Sultan qalasyna keledi. Halyqaralyq reisterge shyǵatyn ekipaj múshelerine jadynamalar taratyldy. Barlyǵyn osy aýrýdyń aldyn alý joldaryn jáne osy aýrý anyqtalǵan kezde júrgiziletin algoritmdermen tanystyrdyq», - dep atap ótti QR DSM Kóliktegi taýarlar men kórsetiletin qyzmetterdiń sapasyn baqylaý departamentiniń bólim basshysy Dariia Ázimbaeva.
Qazaqstanda koronavirýs infektsiiasy tirkelmegen. Alaida, qazir tumaýdyń órship turǵan kezi. Sáikesinshe, sýyq tiip, aq halattylardyń kómegine júgingenderdiń sany artqan.
«Tumaýmen aýyratyn aýrýlar maýsym kezinde táýligine 40 adamǵa deiin jetedi. Olardyń 20-25-si bizde aýrýhanaǵa jatqyzylady. Onyń kóbi - júkti áielder», - deidi kópbeiindi meditsinalyq ortalyqtyń infektsiia bóliminiń meńgerýshisi Gúljanat Shyrshyqpaeva.
