QHR Memkeńesiniń premeri tekserispen koronavirýstyń jańa túriniń taralý oshaǵy Ýhan qalasyna (Hýbei provintsiiasyna) keldi, – dep habarlaidy QazAqparat.
«QHR tóraǵasy Si Tszinpinniń tapsyrmasy boiynsha Memkeńestiń premer-ministri, koronavirýs infektsiiasynyń jań túrimen kúres jónindegi jumys tobynyń basshysy indetpen kúres jónindegi jumystardy tekserý men baqylaý úshin Ýhanǵa keldi», - delingen úkimet habarlamasynda.
Sonymen qatar, dúisenbiden bastap QHR Memlekettik Keńesiniń resmi jańa jyldyq demalystardy 2 aqpanǵa deiin uzartý týraly ókimi kúshine enedi. Tiisti nusqaýlar QHR-dyń barlyq provintsiiasyna taralady.
Eldiń balabaqshalary, mektepteri men joǵary oqý oryndary úshin jańajyldyq demalystyń aiaqtalý merzimi týraly jeke habarlama jariialanatyn bolady.
Sońǵy málimetter boiynsha koronavirýs aýrýymen aýyrǵandar sany 2,7 myń adamnan asty, 80 ólim jaǵdaiy tirkelgen. Jańa koronavirýstyq infektsiiamen aýyratyn adamdardyń kópshiligi Hýbei provintsiiasynda (1423, 76-sy qaitys bolǵan). Qazaqstanmen shekaralas QHR Shyńjań-Uiǵyr avtonomiialyq aýdanynda (ShUAR) 5 adamnyń aýrýdy juqtyrǵany anyqtaldy.
QHR Ortalyq biýdjetinen Hýbei provintsiiasynyń jáne onyń ákimshilik ortalyǵyn Ýhan qalasyna mamandandyrylǵan aýrýhanalar salý jáne qajetti meditsinalyq jabdyqtar satyp alý úshin 43 mln. AQSh dollarynan astam qarjy bólindi.
Qytai biliginde jańa koronavirýs týraly áli de tolyq málimetter joq. Onyń mýtatsiiasy qandai qaýip tóndiretini týraly naqty túsinik joq. «Infektsiianyń paida bolý kózi anyqtalmady», - dep málimdedi ótken jeksenbide jurtshylyqqa QHR Densaýlyq saqtaý isi jónindegi memlekettik komissiianyń basshysy Ma Siaoven. Onyń aitýynsha, virýs janýarlardan shyǵýy múkin jáne mýtatsiia nátijesinde adamdarǵa berilýi yqtimal.
Ótken jeksenbide aýrýlardy baqylaý jáne aldyn alý ortalyǵynyń basshysy Siýi Venbo Qytai jańa koronavirýsqa vaktsina ázirleýge kiristi.
«Ǵalymdar qazirdiń ózinde virýs shtammyn bólip aldy. Ortalyq dári-dármekterdi irikteidi», - dedi qytailyq maman «Jenmin Jibao» gazetinde.
