Pandemiia jaǵdaiynda Eýropadaǵy eń iri áýejailardyń jolaýshylar ainalymy úsh ese tómendegen. Buǵan kompaniialardyń óndiristik kórsetkishteri týraly esepter dálel bola alady, dep habarlaidy Euronews.
Osylaisha daǵdarysqa deiin Eýropadaǵy tasymaldaý kólemi boiynsha eń iri bolyp sanalǵan londondyq «Hitroý» júktemeniń shamamen 69%-ǵa tómendegenin tirkedi, ol shamamen 19 mln jolaýshyǵa qyzmet kórsetti. Parijdik «Sharl de Golldiń» shyǵyndary shamamen 67%-dy qurady. Eýropanyń áýehabtarynyń alǵashqy bestiginde eń kóp zardap shekken – Frankfýrt áýejaiy, ol jolaýshylardyń 70%-dan astamyn joǵaltty.
Jeneva áýejaiynyń bas direktory Andre Shnaider daǵdarystan shyǵý úshin birneshe jyl qajet ekenin eskertedi.
«Bizdiń túsimimizdiń 95%-y jolaýshylarǵa tikelei nemese janama túrde bailanysty. Bul kiristiń edáýir bóligin joǵaltatynymyzdy bildiredi. Biz shyǵyndardy azaitý úshin kóptegen shara qabyldadyq, biraq biz joǵary tehnologiialyq nysandarmen toltyrylǵan platformany usynǵandyqtan, shyǵyndarymyzdy tez azaitýǵa múmkindigimiz shekteýli», — dedi Andre Shnaider.
Halyqaralyq áýejailar keńesiniń baǵalaýy boiynsha, eleýli memlekettik qoldaýsyz 200-ge jýyq eýropalyq áýe toraby bankrotqa ushyraýy múmkin. Jyl basynan beri óńirde áýe tasymalynyń kólemi 1,3 mlrd jolaýshyǵa qysqardy.
Qazan aiynyń ortasyndaǵy jaǵdai boiynsha kórsetkishter tómendeýde — EO, Eýroaimaq elderi, Shveitsariia jáne Ulybritaniiadaǵy áýejailar úshin quldyraý 80%-dy quraýy múmkin, al shekarany jabý jáne qysqy maýsymdaǵy shekteýlerdi kúsheitý perspektivalary azamattyq aviatsiiany tyǵyryqqa tireidi.
