Elordada 220 kásipkerlik sýbektisi «Ashyq» jobasyna qosylǵan. Bul týraly Nur-Sultan qalasynyń bas memlekettik sanitar dárigeri Sarhat Beisenova aitty, dep habarlaidy "Ult aqparat".
«Koronavirýs infektsiiasy tirkelýiniń negizgi sebebi turǵyndardyń karantindik talaptardy saqtamaýy, atap aitqanda, adamdar jappai jinalatyn jerlerge barýy, maska taqpaýy bolyp otyr. Sonymen qatar ambýlatorlyq naýqastardyń, sonymen jaqyn bailanysta bolǵan tulǵalardyń úi karantini rejimin saqtamaýy da infektsiia tirkelýiniń bir sebebi», - dedi ol ákimdikte ótken brifingte.
Onyń atap ótýinshe, úi karantini rejiminiń buzylýy «Ashyq» jobasy arqyly anyqtalyp jatyr. Máselen, sáýirde jobaǵa qatysatyn nysandarǵa úi karantininde jatqan 736 adamnyń barǵany anyqtalyp otyr. Olardyń 299-y - naýqas, al 437-i bailanysta bolǵan adamdar.
«Búginde Nur-Sultan qalasynda «Ashyq» jobasy 220 kásipkerlik sýbektisin biriktirip otyr. Onyń shinde 50 fitnes klýby, 23 SPA ortalyǵy, 12 bassein, 3 boýling klýby, 32 komiýter klýby, 20 saýna, 60 qoǵamdyq tamaqtaný orny, 11 kinoteatr men teatr bar», - dedi Sarhat Beisenova.
Eske salaiyq, Nur-Sultan qalasy koronavirýs ahýalyn baǵalaý matritsasynda 1,5 ai boiy «qyzyl» aimaqta tur.
