ەلوردادا 220 كەسٸپكەرلٸك سۋبەكتٸسٸ «Ashyq» جوباسىنا قوسىلعان. بۇل تۋرالى نۇر-سۇلتان قالاسىنىڭ باس مەملەكەتتٸك سانيتار دەرٸگەرٸ سارحات بەيسەنوۆا ايتتى, دەپ حابارلايدى "ۇلت اقپارات".
«كوروناۆيرۋس ينفەكتسيياسى تٸركەلۋٸنٸڭ نەگٸزگٸ سەبەبٸ تۇرعىنداردىڭ كارانتيندٸك تالاپتاردى ساقتاماۋى, اتاپ ايتقاندا, ادامدار جاپپاي جينالاتىن جەرلەرگە بارۋى, ماسكا تاقپاۋى بولىپ وتىر. سونىمەن قاتار امبۋلاتورلىق ناۋقاستاردىڭ, سونىمەن جاقىن بايلانىستا بولعان تۇلعالاردىڭ ٷي كارانتينٸ رەجيمٸن ساقتاماۋى دا ينفەكتسييا تٸركەلۋٸنٸڭ بٸر سەبەبٸ», - دەدٸ ول ەكٸمدٸكتە ٶتكەن بريفينگتە.
ونىڭ اتاپ ٶتۋٸنشە, ٷي كارانتينٸ رەجيمٸنٸڭ بۇزىلۋى «Ashyq» جوباسى ارقىلى انىقتالىپ جاتىر. مەسەلەن, سەۋٸردە جوباعا قاتىساتىن نىساندارعا ٷي كارانتينٸندە جاتقان 736 ادامنىڭ بارعانى انىقتالىپ وتىر. ولاردىڭ 299-ى - ناۋقاس, ال 437-ٸ بايلانىستا بولعان ادامدار.
«بٷگٸندە نۇر-سۇلتان قالاسىندا «Ashyq» جوباسى 220 كەسٸپكەرلٸك سۋبەكتٸسٸن بٸرٸكتٸرٸپ وتىر. ونىڭ شٸندە 50 فيتنەس كلۋبى, 23 سپا ورتالىعى, 12 باسسەين, 3 بوۋلينگ كلۋبى, 32 كوميۋتەر كلۋبى, 20 ساۋنا, 60 قوعامدىق تاماقتانۋ ورنى, 11 كينوتەاتر مەن تەاتر بار», - دەدٸ سارحات بەيسەنوۆا.
ەسكە سالايىق, نۇر-سۇلتان قالاسى كوروناۆيرۋس احۋالىن باعالاۋ ماتريتساسىندا 1,5 اي بويى «قىزىل» ايماقتا تۇر.
