Búgin Úkimet otyrysynda Densaýlyq saqtaý ministri Eljan Birtanov elimizdegi koronavirýsqa qatysty jaǵdaidy baiandady, - dep habarlaidy "Ult aqparat".
Belgili bolǵandai, elimizde qaýipti indetti 670 adam juqtyrǵan. Ótken táýlik boiynsha jańa 78 naýqas tirkelip, ósim deńgeii 13 paiyz boldy. Tirkelgen 78 naýqastyń ishinde Nur-Sultan qalasynda 2 naýqas, Almatyda 3 naýqas. Ótken táýlik boiynsha basqa óńirlerde 73 jańa naýqas tirkelip, ósim 29 paiyz boldy.
Eń úlken ósim Qaraǵandy oblysynda (16), Aqmola oblysynda (19), Qyzylorda oblysynda (13), Jambyl oblysynda(12) baiqaldy.
«Qazirgi kezde eń úlken ósim óńirlerde baiqalyp otyr. Jalpy 6 naýqas qaitys boldy. 46 naýqas emdelip, shyǵaryldy. Qazir naýqastardyń 20-synyń jaǵdaiy nashar. Jeteýi jasandy tynys alý apparatynda jatyr. Keshe úsh adam jasandy tynys alý apparatynan alynyp, jaǵdaiy jaqsardy. Jaǵdaiy ortasha 88 naýqas bar. Jeńil jaǵdaida 510 naýqas jatyr. El boiynsha bailanysta bolǵan 19 112 adam bar. Olardyń 97 paiyzy tabylyp, oqshaýlandy», - dedi Eljan Birtanov.
