بٷگٸن ٷكٸمەت وتىرىسىندا دەنساۋلىق ساقتاۋ مينيسترٸ ەلجان بٸرتانوۆ ەلٸمٸزدەگٸ كوروناۆيرۋسقا قاتىستى جاعدايدى باياندادى, - دەپ حابارلايدى "ۇلت اقپارات".
بەلگٸلٸ بولعانداي, ەلٸمٸزدە قاۋٸپتٸ ٸندەتتٸ 670 ادام جۇقتىرعان. ٶتكەن تەۋلٸك بويىنشا جاڭا 78 ناۋقاس تٸركەلٸپ, ٶسٸم دەڭگەيٸ 13 پايىز بولدى. تٸركەلگەن 78 ناۋقاستىڭ ٸشٸندە نۇر-سۇلتان قالاسىندا 2 ناۋقاس, الماتىدا 3 ناۋقاس. ٶتكەن تەۋلٸك بويىنشا باسقا ٶڭٸرلەردە 73 جاڭا ناۋقاس تٸركەلٸپ, ٶسٸم 29 پايىز بولدى.
ەڭ ٷلكەن ٶسٸم قاراعاندى وبلىسىندا (16), اقمولا وبلىسىندا (19), قىزىلوردا وبلىسىندا (13), جامبىل وبلىسىندا(12) بايقالدى.
«قازٸرگٸ كەزدە ەڭ ٷلكەن ٶسٸم ٶڭٸرلەردە بايقالىپ وتىر. جالپى 6 ناۋقاس قايتىس بولدى. 46 ناۋقاس ەمدەلٸپ, شىعارىلدى. قازٸر ناۋقاستاردىڭ 20-سىنىڭ جاعدايى ناشار. جەتەۋٸ جاساندى تىنىس الۋ اپپاراتىندا جاتىر. كەشە ٷش ادام جاساندى تىنىس الۋ اپپاراتىنان الىنىپ, جاعدايى جاقساردى. جاعدايى ورتاشا 88 ناۋقاس بار. جەڭٸل جاعدايدا 510 ناۋقاس جاتىر. ەل بويىنشا بايلانىستا بولعان 19 112 ادام بار. ولاردىڭ 97 پايىزى تابىلىپ, وقشاۋلاندى», - دەدٸ ەلجان بٸرتانوۆ.
