Japoniianyń Aýrýlardy baqylaý jáne aldyn alý ortalyǵynyń direktory Norio Omagari almatylyq áriptesterimen videobailanys arqyly COVID-19 aldyn alý týraly tájiribesimen bólisti, dep habarlaidy QazAqparat.
Onyń aitýynsha, qoǵamdyq densaýlyq saqtaý júiesiniń ahýaly koronavirýstyń taralýynyń aldyn alýda basym ról oinaidy.
Norio Omagari basqaratyn ortalyq infektsiialyq aýrýlardy jahandyq dárejede aldyn alý, emdeý, zertteýmen ainalysady.
Japoniia virýspen betpe-bet kelgen elderdiń alǵashqysy ekeni ras.
Sebebi, virýs Qytai shekarasynan tarala bastaǵan kezde alǵashqylardyń biri bolyp Japoniiaǵa toqtaǵan Diamond Princess krýiz laineriniń jolaýshylarynan tabyldy.
Sarapshy qańtar aiynyń sońynda Ýhan qalasynan japon azamattaryn qalai aldyrǵandaryn eske túsirdi.
Japon ortalyǵy evakýatsiialanǵan 600 adamnyń densaýlyǵyn tekserdi. Olardyń 2 paiyzy koronavirýsty juqtyrǵan bolyp shyqty.
Onyń artynan Iokogama qalasyna Diamond Princess krýiz laineri kelip karantinge toqtady.
«Juqtyrǵan patsientterdi gospitalge jatqyzǵannan bastap biz virýs týraly tyń zertteý júrgize bastadyq. Naýryz aiynyń aiaǵynda Japoniiada virýs juqtyrǵandar sany kúrt óse bastady. Tokio gýbernatory qalaǵa lokdaýn engizý týraly sheshim qabyldamaq boldy. Alaida Japoniia eliniń zańdary boiynsha lokdaýn engizýge tyiym salynǵan. Lokdaýn engizilgen joq, biraq halyq ózderi úide qalýdy durys dep tapty. Syrtqa qajettilik bolmasa eshkim shyqpady. Japon halqynyń bul áreketiniń arqasynda virýstyń juǵýy kúrt azaidy. 7 sáýirde Úkimet densaýlyq saqtaý júiesine júktemeni azaitý úshin tótenshe jaǵdai jariialady. Tótenshe jaǵdai rejimi 25 mamyrda alyndy. Qazir Japoniiada epidemiologiialyq ahýal turaqty», - dedi Norio Omagari.
Qazir Japoniiada virýs juqtyrǵandar sany 93408 adamǵa jetti.
Naýryz aiynan beri 1600 adam kóz jumǵan. Olardyń kópshiliginde qant diabeti, onkologiia, júrek qan tamyrlary syndy qosalqy aýrýlary bolǵan.
Japon sarapshylary qaza bolǵan azamattardyń ortasha jasy 70-ten asqan degen qorytyndyǵa keldi.
«Qazir elde 60 jastan asqan azamattardy qorǵaý týraly strategiia qarastyrylyp jatyr. Osynyń arqasynda biz koronavirýstan bolatyn ólim-jitim kórsetkishin azaitatyn bolamyz», - dedi maman.
Japon ortalyǵynyń direktory Diamond Princess krýiz laineriniń jolaýshysy, AQSh azamaty týraly da aitty.
«Jolaýshy aýyr halde tústi. Naýqasta joǵary tynys joldarynyń respiratorlyq infektsiiasy simptomdary bolǵan. Koronavirýs taldaýy oń nátije kórsetti. 10-kún bolǵanda patsientke ókpeni jasandy jeldetý apparaty kerek boldy. Ol kezde biz emdeý týraly kóp aqparat bilmeitinbiz. Qandai dárini bersek bolady degen úlken suraq turdy. Dárilermen eksperiment jasaldy. Intýbatsiiadan keiin 3 aptanyń ishinde jaǵdaiy jaqsardy. Jalpy alǵanda AQSh azamatyna qalpyna kelý úshin, tolyq jazylý úshin 3 ai ýaqyt ketti. Jazylǵan patsient AQSh-qa úsh aidan soń oraldy», - dedi Norio Omagari.
