جاپونييانىڭ اۋرۋلاردى باقىلاۋ جەنە الدىن الۋ ورتالىعىنىڭ ديرەكتورى نوريو وماگاري الماتىلىق ەرٸپتەستەرٸمەن ۆيدەوبايلانىس ارقىلى COVID-19 الدىن الۋ تۋرالى تەجٸريبەسٸمەن بٶلٸستٸ, دەپ حابارلايدى قازاقپارات.
ونىڭ ايتۋىنشا, قوعامدىق دەنساۋلىق ساقتاۋ جٷيەسٸنٸڭ احۋالى كوروناۆيرۋستىڭ تارالۋىنىڭ الدىن الۋدا باسىم رٶل وينايدى.
نوريو وماگاري باسقاراتىن ورتالىق ينفەكتسييالىق اۋرۋلاردى جاھاندىق دەرەجەدە الدىن الۋ, ەمدەۋ, زەرتتەۋمەن اينالىسادى.
جاپونييا ۆيرۋسپەن بەتپە-بەت كەلگەن ەلدەردٸڭ العاشقىسى ەكەنٸ راس.
سەبەبٸ, ۆيرۋس قىتاي شەكاراسىنان تارالا باستاعان كەزدە العاشقىلاردىڭ بٸرٸ بولىپ جاپونيياعا توقتاعان Diamond Princess كرۋيز لاينەرٸنٸڭ جولاۋشىلارىنان تابىلدى.
ساراپشى قاڭتار ايىنىڭ سوڭىندا ۋحان قالاسىنان جاپون ازاماتتارىن قالاي الدىرعاندارىن ەسكە تٷسٸردٸ.
جاپون ورتالىعى ەۆاكۋاتسييالانعان 600 ادامنىڭ دەنساۋلىعىن تەكسەردٸ. ولاردىڭ 2 پايىزى كوروناۆيرۋستى جۇقتىرعان بولىپ شىقتى.
ونىڭ ارتىنان يوكوگاما قالاسىنا Diamond Princess كرۋيز لاينەرٸ كەلٸپ كارانتينگە توقتادى.
«جۇقتىرعان پاتسيەنتتەردٸ گوسپيتالگە جاتقىزعاننان باستاپ بٸز ۆيرۋس تۋرالى تىڭ زەرتتەۋ جٷرگٸزە باستادىق. ناۋرىز ايىنىڭ اياعىندا جاپونييادا ۆيرۋس جۇقتىرعاندار سانى كٷرت ٶسە باستادى. توكيو گۋبەرناتورى قالاعا لوكداۋن ەنگٸزۋ تۋرالى شەشٸم قابىلداماق بولدى. الايدا جاپونييا ەلٸنٸڭ زاڭدارى بويىنشا لوكداۋن ەنگٸزۋگە تىيىم سالىنعان. لوكداۋن ەنگٸزٸلگەن جوق, بٸراق حالىق ٶزدەرٸ ٷيدە قالۋدى دۇرىس دەپ تاپتى. سىرتقا قاجەتتٸلٸك بولماسا ەشكٸم شىقپادى. جاپون حالقىنىڭ بۇل ەرەكەتٸنٸڭ ارقاسىندا ۆيرۋستىڭ جۇعۋى كٷرت ازايدى. 7 سەۋٸردە ٷكٸمەت دەنساۋلىق ساقتاۋ جٷيەسٸنە جٷكتەمەنٸ ازايتۋ ٷشٸن تٶتەنشە جاعداي جارييالادى. تٶتەنشە جاعداي رەجيمٸ 25 مامىردا الىندى. قازٸر جاپونييادا ەپيدەميولوگييالىق احۋال تۇراقتى», - دەدٸ نوريو وماگاري.
قازٸر جاپونييادا ۆيرۋس جۇقتىرعاندار سانى 93408 ادامعا جەتتٸ.
ناۋرىز ايىنان بەرٸ 1600 ادام كٶز جۇمعان. ولاردىڭ كٶپشٸلٸگٸندە قانت ديابەتٸ, ونكولوگييا, جٷرەك قان تامىرلارى سىندى قوسالقى اۋرۋلارى بولعان.
جاپون ساراپشىلارى قازا بولعان ازاماتتاردىڭ ورتاشا جاسى 70-تەن اسقان دەگەن قورىتىندىعا كەلدٸ.
«قازٸر ەلدە 60 جاستان اسقان ازاماتتاردى قورعاۋ تۋرالى ستراتەگييا قاراستىرىلىپ جاتىر. وسىنىڭ ارقاسىندا بٸز كوروناۆيرۋستان بولاتىن ٶلٸم-جٸتٸم كٶرسەتكٸشٸن ازايتاتىن بولامىز», - دەدٸ مامان.
جاپون ورتالىعىنىڭ ديرەكتورى Diamond Princess كرۋيز لاينەرٸنٸڭ جولاۋشىسى, اقش ازاماتى تۋرالى دا ايتتى.
«جولاۋشى اۋىر حالدە تٷستٸ. ناۋقاستا جوعارى تىنىس جولدارىنىڭ رەسپيراتورلىق ينفەكتسيياسى سيمپتومدارى بولعان. كوروناۆيرۋس تالداۋى وڭ نەتيجە كٶرسەتتٸ. 10-كٷن بولعاندا پاتسيەنتكە ٶكپەنٸ جاساندى جەلدەتۋ اپپاراتى كەرەك بولدى. ول كەزدە بٸز ەمدەۋ تۋرالى كٶپ اقپارات بٸلمەيتٸنبٸز. قانداي دەرٸنٸ بەرسەك بولادى دەگەن ٷلكەن سۇراق تۇردى. دەرٸلەرمەن ەكسپەريمەنت جاسالدى. ينتۋباتسييادان كەيٸن 3 اپتانىڭ ٸشٸندە جاعدايى جاقساردى. جالپى العاندا اقش ازاماتىنا قالپىنا كەلۋ ٷشٸن, تولىق جازىلۋ ٷشٸن 3 اي ۋاقىت كەتتٸ. جازىلعان پاتسيەنت اقش-قا ٷش ايدان سوڭ ورالدى», - دەدٸ نوريو وماگاري.
