Batys Qazaqstan oblysynda 591 tósek-orny bar 7 juqpaly aýrýlar statsionary jumys istep tur. Qazir olarda koronavirýs juqtyrǵan 322 adam em qabyldaýda, dep habarlaidy "Ult aqparat".
BQO Densaýlyq saqtaý basqarmasynyń baspasóz qyzmetinen málim etkenindei, qazirgi tańda infektsiialyq aýrýhanalar 54,5 paiyzǵa tolǵan.
Sondai-aq 185 tósektik 4 karantindik statsionarda 17 adam, jansaqtaý bóliminde 25 naýqas emdelýde.
Kúni búgin invazivti emes jasandy tynys alý apparatyna 3, ottegi kontsentratoryna 9, ortalyqtandyrylǵan ottegi kózine 93 adam qosylǵan.
Oblysta sońǵy táýlikte 38, bir aptada 474 adamnan koronavirýs tabyldy.
Biyl indet juqtyrǵan balalar sany 206-ǵa jetti. Al oqý jyly bastalǵan qyrkúiek aiynan beri óńirde barlyǵy 411 balanyń aýyrǵany anyqtaldy.
