Batys Qazaqstan oblysynda 810 tósektik 10 infektsiialyq statsionarda 624 naýqas jatyr, dep habarlaidy "Ult aqparat".
BQO densaýlyq saqtaý basqarmasy málim etkenindei, juqpaly aýrýlar statsionarlary 77 paiyzǵa tolǵan.
Sonyń ishinde 32 naýqas jansaqtaý bóliminde emdelýde.
Oǵan qosa 195 tósektik 4 karantindik statsionarda 21 adam bar.
«Qyzyl» aimaqta turǵan oblysta bir aptada 885 adam koronavirýs juqtyrdy.
Pnevmoniiaǵa shaldyqqan 468 adam statsionarlyq, 43-i ambýlatorlyq em alýda.
Invazivti jasandy tynys alý apparatyna 6, invazivti emes osyndai qurylǵyǵa 13, ottegi kontsentratoryna 33, ortalyqtandyrylǵan ottegi kózine 113 adam qosylǵan.
Basqarma málimetine qaraǵanda, jyl basynan beri 592 bala indet juqtyrǵan.
Iri kásiporyndardan Chinarev ken ornyndaǵy «Jaiyqmunai» JShS-dan biyl 38, Qarashyǵanaq kenishin igerip jatqan «QPO b.v.» kompaniiasynan 90 adamnan koronavirýs tabyldy.
Statsionarlarda 355 meditsina qyzmetkeri (74 dáriger, 155 orta, 126 kishi býyndy meditsina qyzmetkeri) jumys jasaýda.
Óńirde 13 zerthanada 22983 zertteýge arnalǵan 459,56 test júiesi bar. Sońǵy táýlikte 2272 zertteý júrgizildi.
«Call-ortalyqtar úsh aýysymda táýlik boiy jumys istep jatyr. Sońǵy aptada (12-18 sáýir) 109 telefonyna 4763 qońyraý shalynsa, sonyń 601-i kovidke qatysty boldy. Jedel járdem stansasynda 100 avtokólik bar. Táýligine 800-850-den astam shaqyrtý túsedi. Emhanalar janynda patsientterdi baqylaý úshin 124 mobildi brigada qurylǵan», dep habarlady vedomstvodan.
