باتىس قازاقستان وبلىسىندا 810 تٶسەكتٸك 10 ينفەكتسييالىق ستاتسيوناردا 624 ناۋقاس جاتىر, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, جۇقپالى اۋرۋلار ستاتسيونارلارى 77 پايىزعا تولعان.
سونىڭ ٸشٸندە 32 ناۋقاس جانساقتاۋ بٶلٸمٸندە ەمدەلۋدە.
وعان قوسا 195 تٶسەكتٸك 4 كارانتيندٸك ستاتسيوناردا 21 ادام بار.
«قىزىل» ايماقتا تۇرعان وبلىستا بٸر اپتادا 885 ادام كوروناۆيرۋس جۇقتىردى.
پنەۆمونيياعا شالدىققان 468 ادام ستاتسيونارلىق, 43-ٸ امبۋلاتورلىق ەم الۋدا.
ينۆازيۆتٸ جاساندى تىنىس الۋ اپپاراتىنا 6, ينۆازيۆتٸ ەمەس وسىنداي قۇرىلعىعا 13, وتتەگٸ كونتسەنتراتورىنا 33, ورتالىقتاندىرىلعان وتتەگٸ كٶزٸنە 113 ادام قوسىلعان.
باسقارما مەلٸمەتٸنە قاراعاندا, جىل باسىنان بەرٸ 592 بالا ٸندەت جۇقتىرعان.
ٸرٸ كەسٸپورىنداردان چينارەۆ كەن ورنىنداعى «جايىقمۇناي» جشس-دان بيىل 38, قاراشىعاناق كەنٸشٸن يگەرٸپ جاتقان «قپو ب.ۆ.» كومپانيياسىنان 90 ادامنان كوروناۆيرۋس تابىلدى.
ستاتسيونارلاردا 355 مەديتسينا قىزمەتكەرٸ (74 دەرٸگەر, 155 ورتا, 126 كٸشٸ بۋىندى مەديتسينا قىزمەتكەرٸ) جۇمىس جاساۋدا.
ٶڭٸردە 13 زەرتحانادا 22983 زەرتتەۋگە ارنالعان 459,56 تەست جٷيەسٸ بار. سوڭعى تەۋلٸكتە 2272 زەرتتەۋ جٷرگٸزٸلدٸ.
«Call-ورتالىقتار ٷش اۋىسىمدا تەۋلٸك بويى جۇمىس ٸستەپ جاتىر. سوڭعى اپتادا (12-18 سەۋٸر) 109 تەلەفونىنا 4763 قوڭىراۋ شالىنسا, سونىڭ 601-ٸ كوۆيدكە قاتىستى بولدى. جەدەل جەردەم ستانساسىندا 100 اۆتوكٶلٸك بار. تەۋلٸگٸنە 800-850-دەن استام شاقىرتۋ تٷسەدٸ. ەمحانالار جانىندا پاتسيەنتتەردٸ باقىلاۋ ٷشٸن 124 موبيلدٸ بريگادا قۇرىلعان», دەپ حابارلادى ۆەدومستۆودان.
