12 qańtarda Qazaqstanda 766 adamǵa koronavirýs juqqany PTR-testpen rastaldy. 124 adamda koronavirýs pnevmoniiasy anyqtaldy. Bir kúnde 8 adam - koronavirýstan, 4 adam koronavirýs pnevmoniiasynan qaitys boldy. Densaýlyq saqtaý ministrliginiń 13 qańtar tańerteń habarlamasynda osyndai málimet kórsetilgen.
Seisenbi kúni Nur-Sultan (114) men Almaty qalasynda (111) kóp naýqas tirkeldi. Qostanai oblysynda - 75, Atyraý oblysynda - 73, Aqmola oblysynda - 63, Almaty oblysynda - 61, Soltústik Qazaqstan oblysynda - 54, Pavlodar oblysynda - 48, Batys Qazaqstan oblysynda - 43, Qaraǵandy oblysynda - 39, Shyǵys Qazaqstan oblysynda - 37, Mańǵystaý oblysynda - 15, Shymkent qalasynda - 11, Jambyl oblysynda - 10, Túrkistan oblysynda - 8, Qyzylorda oblysynda - 3, Aqtóbe oblysynda 1 adamnan koronavirýs anyqtalǵan. Qalǵan oblystar men qalalarda bir kúnde anyqtalǵan naýqastar jiyrmaǵa jetpeidi.
Naýryz aiynan beri koronavirýs juqqany testpen rastalǵan naýqastar 164 477 adamǵa jetken.
Qazaqstan biligi 1 tamyzdan beri pnevmoniianyń koronavirýsqa uqsas túrine jeke kod berip, bólek eseptep keledi. Dúniejúzilik densaýlyq saqtaý uiymy belgileri koronavirýsqa uqsas pnevmoniia túrin de Covid dep anyqtaýǵa keńes bergen. Biraq Qazaqstanda PTR-testi oń shyqqandar men PTR-testi teris, biraq klinikalyq belgileri boiynsha koronavirýsqa keletinder bólek esepteledi. 1 tamyzdan beri 46 499 adam koronavirýs pnevmoniiasyna shaldyqqan. 530 adam qaitys bolǵan. 34 118 adam jazylǵan.
Qazir koronavirýstan 23 524 adam (11 673-iniń PTR-testi oń shyqqan) emdelip jatyr. 267 adamnyń jaǵdaiy aýyr, 58 naýqastyń jaǵdaiy óte aýyr. 42 adam jasandy tynys apparatyna qosylǵan.
