12 قاڭتاردا قازاقستاندا 766 ادامعا كوروناۆيرۋس جۇققانى پتر-تەستپەن راستالدى. 124 ادامدا كوروناۆيرۋس پنەۆمونيياسى انىقتالدى. بٸر كٷندە 8 ادام - كوروناۆيرۋستان, 4 ادام كوروناۆيرۋس پنەۆمونيياسىنان قايتىس بولدى. دەنساۋلىق ساقتاۋ مينيسترلٸگٸنٸڭ 13 قاڭتار تاڭەرتەڭ حابارلاماسىندا وسىنداي مەلٸمەت كٶرسەتٸلگەن.
سەيسەنبٸ كٷنٸ نۇر-سۇلتان (114) مەن الماتى قالاسىندا (111) كٶپ ناۋقاس تٸركەلدٸ. قوستاناي وبلىسىندا - 75, اتىراۋ وبلىسىندا - 73, اقمولا وبلىسىندا - 63, الماتى وبلىسىندا - 61, سولتٷستٸك قازاقستان وبلىسىندا - 54, پاۆلودار وبلىسىندا - 48, باتىس قازاقستان وبلىسىندا - 43, قاراعاندى وبلىسىندا - 39, شىعىس قازاقستان وبلىسىندا - 37, ماڭعىستاۋ وبلىسىندا - 15, شىمكەنت قالاسىندا - 11, جامبىل وبلىسىندا - 10, تٷركٸستان وبلىسىندا - 8, قىزىلوردا وبلىسىندا - 3, اقتٶبە وبلىسىندا 1 ادامنان كوروناۆيرۋس انىقتالعان. قالعان وبلىستار مەن قالالاردا بٸر كٷندە انىقتالعان ناۋقاستار جيىرماعا جەتپەيدٸ.
ناۋرىز ايىنان بەرٸ كوروناۆيرۋس جۇققانى تەستپەن راستالعان ناۋقاستار 164 477 ادامعا جەتكەن.
قازاقستان بيلٸگٸ 1 تامىزدان بەرٸ پنەۆمونييانىڭ كوروناۆيرۋسقا ۇقساس تٷرٸنە جەكە كود بەرٸپ, بٶلەك ەسەپتەپ كەلەدٸ. دٷنيەجٷزٸلٸك دەنساۋلىق ساقتاۋ ۇيىمى بەلگٸلەرٸ كوروناۆيرۋسقا ۇقساس پنەۆمونييا تٷرٸن دە Covid دەپ انىقتاۋعا كەڭەس بەرگەن. بٸراق قازاقستاندا پتر-تەستٸ وڭ شىققاندار مەن پتر-تەستٸ تەرٸس, بٸراق كلينيكالىق بەلگٸلەرٸ بويىنشا كوروناۆيرۋسقا كەلەتٸندەر بٶلەك ەسەپتەلەدٸ. 1 تامىزدان بەرٸ 46 499 ادام كوروناۆيرۋس پنەۆمونيياسىنا شالدىققان. 530 ادام قايتىس بولعان. 34 118 ادام جازىلعان.
قازٸر كوروناۆيرۋستان 23 524 ادام (11 673-ٸنٸڭ پتر-تەستٸ وڭ شىققان) ەمدەلٸپ جاتىر. 267 ادامنىڭ جاعدايى اۋىر, 58 ناۋقاستىڭ جاعدايى ٶتە اۋىر. 42 ادام جاساندى تىنىس اپپاراتىنا قوسىلعان.
