Atyraý oblysynyń medtsinalyq uiymdarynda 7 ottegi stansasy jumys jasap tur, dep habarlaidy "Ult aqparat" Atyraý oblystyq densaýlyq saqtaý basqarmasynyń baspasóz qyzmetine silteme jasap.
Ortalyqtandyrylǵan ottegi stansasy buǵan deiin oblystyq perinataldyq ortalyqtyń bazasynda ǵana bolǵan.
Byltyr oblystyq kardiologiialyq ortalyq, oblystyq aýrýhana, Atyraý qalasyndaǵy jańa modýldik infektsiialyq aýrýhana, Qurmanǵazy jáne Qyzylqoǵa aýdandyq aýrýhanalarynda ortalyqtandyrylǵan ottegi stantsiiasy jumysyn bastady.
Biyl bul tizimge №2 oblystyq aýrýhananyń bazasynda jabdyqtalǵan stansa qosylyp otyr.
Oblystyq aýrýhana direktory Erbol Imanǵalievtiń aitýynsha, stantsiialar avtomatty túrde basqarylyp, ózdiginen ottegi óndirip otyrady.
«Buǵan deiin aýrýhanada derbes ottegi tasymalyn júzege asyratyn núkteler bolǵan edi. Ózderińizge málim, jazdaǵy pandemiia órshigen tusta onyń ózi azdyq etti. Sol úshin aýa jetpei qinalǵan ár naýqasqa ballon aparyp járdemdestik. Sonyń ózinde úlgermei jatqan kezimiz boldy. Endigi kezekte ahýal ýshyǵa qalǵan tusta da ballon qajet bolmaidy, stansanyń qýaty tolyqtai jetedi»,- dedi Erbol Imanǵaliev.
Ottegi tsehy aýrýhanadaǵy kislorod taratatyn 360 núkteni qamtamasyz etip tur.
Jaryq óship qalǵan jaǵdaida qosymsha generator paidalanylmaidy. Óitkeni, stansa óz qýaty men qysymyn úsh kúnge deiin ustap tura alady.
Qazirgi ýaqytta infektsiialyq statsionarda koronavirýs infektsiiasymen aýrýy asqynyp kelip jatqan naýqastar joq.
Ottegi aýrýhananyń jansaqtaý bóliminde ǵana paidalanylýda.
Aita keteiik, biyl mundai stansalar taǵy Inder aýdandyq aýrýhanasy men Qulsary qalasynda salynyp jatqan modýldik infektsiialyq aýrýhanasynda iske qosylady dep josparlanýda.
