Elimizde koronavirýs anyqtalǵan jaǵdaida qandai áreket etý kerektigi «B» josparyna engen. Bul týraly Ortalyq kommýnikatsiialar qyzmeti alańynda ótken koronavirýstyq infektsiia boiynsha aǵymdaǵy jaǵdaiǵa arnalǵan baspasóz máslihatynda aityldy, dep habarlaidy "Ult aqparat".
«Bul jaǵdaiǵa bailanysty bizde «B» jospary bar. Elimizde koronavirýs anyqtalǵan jaǵdaida qandai áreket etetinimiz osy «B» josparyna engen. Jospar boiynsha, elimizdegi infektsiialyq aýrýhanalardaǵy tósek sany eki ese kóbeitilgen. Qosymsha 14 myń karantindik tósek-oryndar daiyndaldy. Osyndai dertke shaldyqqandarǵa kómek kórsetý boiynsha kadr máseleleri qaralýda», - dep atap ótti QR Densaýlyq saqtaý ministri Eljan Birtanov.
Eske sala ketsek, búgin memleket basshysy Qasym-Jomart Toqaev koronavirýs pandemiiasyna bailanysty Qazaqstanda qoǵamdyq is-sharalardyń toqtatylǵanyn jariia etti.
