ەلٸمٸزدە كوروناۆيرۋس انىقتالعان جاعدايدا قانداي ەرەكەت ەتۋ كەرەكتٸگٸ «ب» جوسپارىنا ەنگەن. بۇل تۋرالى ورتالىق كوممۋنيكاتسييالار قىزمەتٸ الاڭىندا ٶتكەن كوروناۆيرۋستىق ينفەكتسييا بويىنشا اعىمداعى جاعدايعا ارنالعان باسپاسٶز مەسليحاتىندا ايتىلدى, دەپ حابارلايدى "ۇلت اقپارات".
«بۇل جاعدايعا بايلانىستى بٸزدە «ب» جوسپارى بار. ەلٸمٸزدە كوروناۆيرۋس انىقتالعان جاعدايدا قانداي ەرەكەت ەتەتٸنٸمٸز وسى «ب» جوسپارىنا ەنگەن. جوسپار بويىنشا, ەلٸمٸزدەگٸ ينفەكتسييالىق اۋرۋحانالارداعى تٶسەك سانى ەكٸ ەسە كٶبەيتٸلگەن. قوسىمشا 14 مىڭ كارانتيندٸك تٶسەك-ورىندار دايىندالدى. وسىنداي دەرتكە شالدىققاندارعا كٶمەك كٶرسەتۋ بويىنشا كادر مەسەلەلەرٸ قارالۋدا», - دەپ اتاپ ٶتتٸ قر دەنساۋلىق ساقتاۋ مينيسترٸ ەلجان بٸرتانوۆ.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ كوروناۆيرۋس پاندەميياسىنا بايلانىستى قازاقستاندا قوعامدىق ٸس-شارالاردىڭ توقتاتىلعانىن جارييا ەتتٸ.
