Almatyda «simptomdy» naýqastardyń sany artty. Bul týraly onlain brifing barysynda qalalyq sanitarlyq-epidemiologiialyq baqylaý departamentiniń bastyǵy, qalanyń bas memlekettik sanitar dárigeri Jandarbek Bekshin málim etti, dep habarlaidy «QazAqparat» HAA» AQ.
«Almatyda «simptomdy» naýqastardyń salystyrmaly salmaǵy aldyńǵy aptamen salystyrǵanda 93%-dan 94%-ǵa deiin artty, bul ainalymdaǵy COVID-19 nusqasynyń joǵary patogendiligin kórsetedi», - deidi ol.
Sonymen qatar, ol koronavirýsqa neǵurlym beiim kontingent - 20-dan 60 jasqa deiingi azamattar ekenin atap ótti.
«Kóbine 20-39 jas aralyǵyndaǵy jastar aýyrdy. Olardyń úlesi 35,6% boldy. 40-59 jas aralyǵyndaǵy kontingenttiń 24,2% jáne 60 jastan asqandardyń 23% tirkelgen, bul barlyq jaǵdailardyń 83%-yn quraidy. 60 jastan asqan adamdardyń aýyr halde jáne 1 jasqa deiingi balalardyń syrqattanýshylyǵynyń 1,5%-ǵa turaqty ósýi alańdatady», - deidi Jandarbek Bekshin.
Spiker brifing barysynda qalada infektsiia juqtyratyn negizgi bes oryndy atady.
«Eń birinshi orynda saýda nysandary - 35 paiyz. Ótken aptada bul kórsetkish 3 paiyzǵa ósti. Keiin otbasyndaǵy bailanys - 18 paiyz, qoǵamdyq kólikte - 17,6 paiyz. Ósim - 1,4 paiyz. Tórtinshi - bazarlar. Adamdar negizinen, 13 paiyzy, azyq-túlik bazarynda virýs juqtyrǵan. Besinshi - otbasylyq is-sharalar, toi, mereke, qoǵamdyq sharalar. Tamyzdan bastap barlyq óńirde toilar kóbeiip jatyr. Onda virýs juqtyrǵandar sany 2,1 paiyzǵa kóbeigenin aitqym keledi», - dedi Jandarbek Bekshin.
