Almaty ákimi Baqytjan Saǵyntaev jedel testten kimderdiń ótetinin aitty, dep habarlaidy "Ult aqparat".
«Koronavirýs indetimen kúrestegi mańyzdy kezeńniń biri – áleýetti naýqastardy izdeý men anyqtaýǵa belsendi kirisý. Basqa elderden kelgen naýqastar jáne olarmen bailanysta bolǵan azamattar anyqtalǵannan keiin mindetti testileýge jatatyn jandardyń aiasy keńeidi. «Jedel járdem», emhanalar men aýrýhanalardyń qabyldaý bólmelerindegi, provizorlyq statsionarlar men zerthanalardaǵy meditsina qyzmetkerlerine erekshe kóńil bólinedi. Sanepidemiologtar siiaqty olar da únemi testileýden ótedi»,– dep jazdy Baqytjan Saǵyntaev Instagram-daǵy paraqshasynda.
Sondai– aq ol meditsina qyzmetkerleri, politseiler, áskeri qyzmetshiler men blok-bekettegi memlekettik organdardyń qyzmetkerleri de tekserýden óttetinin atap ótti. Sondai-aq testten ótýge respiratorlyq aýrý belgileri bar, ókpe qabynýymen (pnevmoniia) aýyratyn jáne tynys alý organyndaǵy syrqatymen esepte turǵan qala turǵyndary da qamtylmaq. Sonymen qatar, jedel testileýden qalanyń qalypty tirshiligin qamtamasyz etetin qyzmetter men kásiporyndarynyń jumysshylary da ótetin bolady.
«Virýstyń jasyryn oshaǵyn der kezinde anyqtaý arqyly qaladaǵy epidemiologiialyq jaǵdaidy baqylaýda ustaýǵa múmkindik bar. Bizdiń mindetimiz – qaýipti indettiń órship ketýine jol bermeý»,– dep atap ótken qala ákimi.
