الماتى ەكٸمٸ باقىتجان ساعىنتاەۆ جەدەل تەستتەن كٸمدەردٸڭ ٶتەتٸنٸن ايتتى, دەپ حابارلايدى "ۇلت اقپارات".
«كوروناۆيرۋس ٸندەتٸمەن كٷرەستەگٸ ماڭىزدى كەزەڭنٸڭ بٸرٸ – ەلەۋەتتٸ ناۋقاستاردى ٸزدەۋ مەن انىقتاۋعا بەلسەندٸ كٸرٸسۋ. باسقا ەلدەردەن كەلگەن ناۋقاستار جەنە ولارمەن بايلانىستا بولعان ازاماتتار انىقتالعاننان كەيٸن مٸندەتتٸ تەستٸلەۋگە جاتاتىن جانداردىڭ اياسى كەڭەيدٸ. «جەدەل جەردەم», ەمحانالار مەن اۋرۋحانالاردىڭ قابىلداۋ بٶلمەلەرٸندەگٸ, پروۆيزورلىق ستاتسيونارلار مەن زەرتحانالارداعى مەديتسينا قىزمەتكەرلەرٸنە ەرەكشە كٶڭٸل بٶلٸنەدٸ. سانەپيدەميولوگتار سيياقتى ولار دا ٷنەمٸ تەستٸلەۋدەن ٶتەدٸ»,– دەپ جازدى باقىتجان ساعىنتاەۆ Instagram-داعى پاراقشاسىندا.
سونداي– اق ول مەديتسينا قىزمەتكەرلەرٸ, پوليتسەيلەر, ەسكەري قىزمەتشٸلەر مەن بلوك-بەكەتتەگٸ مەملەكەتتٸك ورگانداردىڭ قىزمەتكەرلەرٸ دە تەكسەرۋدەن ٶتتەتٸنٸن اتاپ ٶتتٸ. سونداي-اق تەستتەن ٶتۋگە رەسپيراتورلىق اۋرۋ بەلگٸلەرٸ بار, ٶكپە قابىنۋىمەن (پنەۆمونييا) اۋىراتىن جەنە تىنىس الۋ ورگانىنداعى سىرقاتىمەن ەسەپتە تۇرعان قالا تۇرعىندارى دا قامتىلماق. سونىمەن قاتار, جەدەل تەستٸلەۋدەن قالانىڭ قالىپتى تٸرشٸلٸگٸن قامتاماسىز ەتەتٸن قىزمەتتەر مەن كەسٸپورىندارىنىڭ جۇمىسشىلارى دا ٶتەتٸن بولادى.
«ۆيرۋستىڭ جاسىرىن وشاعىن دەر كەزٸندە انىقتاۋ ارقىلى قالاداعى ەپيدەميولوگييالىق جاعدايدى باقىلاۋدا ۇستاۋعا مٷمكٸندٸك بار. بٸزدٸڭ مٸندەتٸمٸز – قاۋٸپتٸ ٸندەتتٸڭ ٶرشٸپ كەتۋٸنە جول بەرمەۋ»,– دەپ اتاپ ٶتكەن قالا ەكٸمٸ.
