Densaýlyq saqtaý ministrligi 13 aqpandaǵy epidemiologiialyq ahýaldy baǵalaý matritsasyn jariialady, dep habarlaidy «Ult aqparat».
13 aqpandaǵy epidemiologiialyq ahýaldy baǵalaý matritsasyna sáikes, Qazaqstannyń eki oblysy «qyzyl» aimaqta tur. Olar: Aqmola, Pavlodar oblystary.
«Sary» aimaqta Nur-Sultan qalasymen qatar Qostanai, Soltústik Qazaqstan, Batys Qazaqstan oblystary bar.
Qalǵan óńirlerdiń bári «jasyl» aimaqta. Jalpy Qazaqstan koronavirýstyń taralý qaýpi jaǵynan «jasyl» aimaqta tur.
Eske salsaq, buǵan deiin QR Bas memlekettik sanitarlyq dárigeri Erlan Qiiasovtyń karantin sharalaryn jeńildetý týraly jańa qaýlysy jariialanǵan bolatyn. Qaýly erejelerine sáikes, «jasyl» aimaqtaǵy óńirlerde meshitterge jurttyń jinalýyna, sonymen qatar mektep ashanalarynyń jumysyna ruqsat berildi.
