Koronavirýs adamnyń búkil aǵzasyn zaqymdaidy. Bul týraly Ulttyq ǵylymi kardiohirýrgiia ortalyǵy tóraǵasynyń mindetin atqarýshy Mahabbat Bekbosynova aitty, dep habarlaidy QazAqparat.
«Ókinishke orai, COVID-19 adamnyń búkil aǵzasyn zaqymdaityn júieli aýrý sanalady. Onyń ishinde júike júiesine de zaqym keltiredi. Ortalyq júike júiesine qatysty shaǵym óte kóp. Bul - eske saqtaý qabiletiniń tómendeýi, bas aýrýy, estý qabiletiniń nasharlaýy. Búgin ǵana qabyldaýymyzda koronavirýs infektsiiasynan jazylyp shyqqannan keiin estý qabileti tym tómendep ketken patsient boldy. Onyń ústine aýrýdyń ótkir fazasynyń ótkenine 3 ai ýaqyt ótipti. Qazirgi ýaqytta COVID kesirinen qant diabeti paida bolǵan 4 patsentti baqylaýymyzǵa alyp otyrmyz», - dedi ol.
Sonymen qatar ol koronavirýsty bastan keshirgen taǵy bir patsienttiń ótkir holetsistitten hirýrgiialyq statsionarǵa túskenin aitady.
«Jedel aralasý máselesi týyndady. Alaida qabynýǵa qarsy júrgizilgen em-dom túiilýdi basatyn dárige qaraǵanda álde qaida joǵary áserin berdi», - dedi Mahabbat Bekbosynova.
