Koronavirýstyń taralýy boiynsha elimizdiń 7 óńiri «qyzyl aimaqqa» kirdi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Qazaqstanda 6 sáýirde COVID-19-dyń oń nátijesimen 256 837 naýqas, al KVI teris nátijemen 50 839 naýqas tirkelgen. Epidemiologiialyq ahýaldy baǵalaý matritsasyna sáikes, «qyzyl aimaqta» 7 óńir – Nur-Sultan, Almaty qalalary, Atyraý, Batys Qazaqstan, Almaty, Aqmola, Aqtóbe oblystary tur. Bul rette Almaty men Nur-Sultan qalalary qyzyl aimaqta 28 kún, Batys Qazaqstan oblysy 20 kún, Atyraý oblysy sońǵy 2 apta, Aqtóbe men Almaty oblystary sońǵy apta boiy jáne Aqmola oblysy sońǵy táýlikte kirdi», - ministr.
Onyń atap ótýinshe, Shymkent qalasy men Qaraǵandy oblysy sary aimaqta bolsa, qalǵan 8 óńir jasyl aimaqta ornalasqan.
«Naýryzda aqpanmen salystyrǵanda naýqastaný ósiminiń 30 paiyzǵa artqany baiqalatyndyǵyn atap ótkim keledi. Máselen, táýligine 1 800-ge deiin jaǵdai tirkelip otyr. Sáýirdiń 5 kúniniń ishinde 9 983 jaǵdai, táýligine 2 myńnan astam naýqas tirkelýde», - dedi Aleksei Tsoi.
