QR Densaýlyq saqtaý birinshi vitse-ministri Marat Shoranov Qazaqstandaǵy epidemiologiialyq jaǵdaidy baiandady, dep habarlaidy QazAqparat.
«27 qańtardaǵy jaǵdaiǵa sáikes, Qazaqstan Respýblikasynda 181 117 adamda KVI+ jáne 47 575 adamda KVI- anyqtaldy. KVI+ boiynsha 163 156 adam jáne KVI- 35 348 adam jazylyp shyqqan. Juqpaly aýrýlar aýrýhanasyndaǵy tósek-orynnyń 31% (6 492 oryn) tolǵan, al jansaqtaý bóliminiń 20%-ynda 374 adam hal ústinde jatyr», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, sońǵy 2 aida koronavirýs infektsiiasy boiynsha epidemiologiialyq jaǵdaidyń nasharlaýy baiqalady. Qazaqstan Respýblikasy tómen táýekel aimaǵynan nemese jasyl aimaqtan joǵary táýekel aimaǵyna nemese qyzyl aimaqqa kóshken.
«Álemde aýrýdyń ósýi jalǵasýda. Búgingi kúni álemniń 221 elinde 100 mln-nan astam KVI jaǵdaiy tirkelgen, syrqattanýdyń ósýi 0,5 quraidy. 2 million 165 myńnan astam adam qaitys boldy, ólim kórsetkishi – 2,1%.
Eýropa men Aziianyń keibir elderinde aýrýdyń ósýi áli de jalǵasýda. Dúniejúzilik densaýlyq saqtaý uiymynyń alty óńiriniń úsheýinde (Amerikada, Tynyq muhitynyń batys bóliginde jáne Afrikada) COVID-19 virýsymen halyqtyń syrqattanýy turaqty ósip keledi», - dedi M. Shoranov.
