QR Ekologiia, geologiia jáne tabiǵi resýstar ministri Maǵzum Myrzaǵaliev koronavirýs qaýpine bailanysty oqshaýlandy, dep habarlaidy QazAqparat.
«Maǵzum Maratuly ótken juma kúni Densaýlyq saqtaý ministrimen birge ushyp keldi. Sondyqtan bailanysta bolǵan tulǵa retinde oqshaýlandy. Ministr test tapsyrdy, nátijesi teris. Apta sońynda taǵy tapsyratyn bolady. Degenmen, ol barlyq jumys jinalystaryn, kelissózderdi onlain rejimde ótkizip jatyr», - dedi ministrdiń baspasóz hatshysy Samal Ibraeva.
Eske salsaq, Densaýlyq saqtaý ministri Eljan Birtanov Facebook paraqshasynda koronavirýs juqtyrǵanyn habarlaǵan edi.
12 maýsymda QR Premer-Ministri Asqar Mamin Jambyl oblysyna jumys saparymen baryp qaitty, onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy da oqshaýlanýǵa májbúr bolyp otyr.
Áriptesterimen birge Ashat Aimaǵambetov pen Aýyl sharýashylyǵy ministri Saparhan Omarov oqshaýlandy.
