QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova koronavirýs infektsiiasy qaitadan juǵýy múmkin ekenin eskertti, dep habarlaidy "Ult aqparat".
«Árbir jaǵdai boiynsha tyńǵylyqty tekserý júrgiziledi, iaǵni indet qashan juqqany, aýrýǵa shaldyǵýdyń ár jaǵdaiy arasynda qansha ýaqyt ótkeni qaralady. Osy oraida álem elderinde indetti qaita juqtyrý oqiǵalary tirkelip jatqanyn túsiný kerek. Bul óz kezeginde aýrýdy eńsergennen keiingi immýnitet uzaq emes, qysqamerzimdi ekeni taǵy da rastalyp otyr», - dedi komitet basshysy Ortalyq kommýnikatsiialar qyzmetinde.
Onyń sózine qaraǵanda, halyqaralyq zertteýlerge sáikes, aýrýdan emdelgennen keiingi immýnitet 1-den 3 aiǵa deiin saqtalady.
«Indetti qaita juqtyrý múmkindigi bar ekenin bilemiz. Aýrýdan emdelgen adamdar barlyq aldyn alý sharalaryn saqtaý kerektigin este saqtaǵany durys», - dedi A. Esmaǵambetova.
