"Qorǵas" ShYHO AQ aýmaǵynda astyrtyn jumys istegen kazinonyń áreketine tosqaýyl qoiyldy, - dep habarlaidy kaz.tengrinews.kz tilshisi Almaty oblysy boiynsha MKD Ekonomikalyq tergeý qyzmetiniń ókiline silteme jasap.
"2017 jyldyń 26 shildesinde Almaty oblysy boiynsha MKD Ekonomikalyq tergeý qyzmetiniń qyzmetkerleri "Qorǵas" ShYHO aýmaǵynda astyrtyn jumys istegen kazinony áshkereledi", - dedi Jaqsylyq Myrzahan.
Jedel-tergeý sharalary barysynda Almaty oblysy Panfilov aýdany "Qorǵas" ShYHO AQ aýmaǵyndaǵy eki qabatty ǵimaratta azarttyq oiyndarǵa arnalǵan arnaiy ústelder tabylyp, tárkilendi. Qolma-qol aqshany esepteitin 2 apparat, qolma-qol jasalmaityn tólemderge arnalǵan 3 POS-terminal tabylyp, tárkilendi.
"Kazinonyń ishine kóbinese ózderiniń tanys klientteri ǵana kire alǵan. Videobaqylaý kameralary ǵimarattyń ishinde de, syrtynda da ornatylǵan. Qazirgi ýaqytta Almaty oblysy boiynsha MKD Ekonomikalyq tergeý qyzmeti QR Qylmystyq kodeksiniń 307-babynyń 1-bóligi boiynsha ("Zańsyz oiyn biznesin uiymdastyrý") sotqa deiingi tergeý bastaldy", - dep habarlady Almaty oblysy boiynsha MKD Ekonomikalyq tergeý qyzmetiniń ókilderi.
