"قورعاس" شىحو اق اۋماعىندا استىرتىن جۇمىس ٸستەگەن كازينونىڭ ەرەكەتٸنە توسقاۋىل قويىلدى, - دەپ حابارلايدى kaz.tengrinews.kz تٸلشٸسٸ الماتى وبلىسى بويىنشا مكد ەكونوميكالىق تەرگەۋ قىزمەتٸنٸڭ ٶكٸلٸنە سٸلتەمە جاساپ.
"2017 جىلدىڭ 26 شٸلدەسٸندە الماتى وبلىسى بويىنشا مكد ەكونوميكالىق تەرگەۋ قىزمەتٸنٸڭ قىزمەتكەرلەرٸ "قورعاس" شىحو اۋماعىندا استىرتىن جۇمىس ٸستەگەن كازينونى ەشكەرەلەدٸ", - دەدٸ جاقسىلىق مىرزاحان.
جەدەل-تەرگەۋ شارالارى بارىسىندا الماتى وبلىسى پانفيلوۆ اۋدانى "قورعاس" شىحو اق اۋماعىنداعى ەكٸ قاباتتى عيماراتتا ازارتتىق ويىندارعا ارنالعان ارنايى ٷستەلدەر تابىلىپ, تەركٸلەندٸ. قولما-قول اقشانى ەسەپتەيتٸن 2 اپپارات, قولما-قول جاسالمايتىن تٶلەمدەرگە ارنالعان 3 POS-تەرمينال تابىلىپ, تەركٸلەندٸ.
"كازينونىڭ ٸشٸنە كٶبٸنەسە ٶزدەرٸنٸڭ تانىس كليەنتتەرٸ عانا كٸرە العان. ۆيدەوباقىلاۋ كامەرالارى عيماراتتىڭ ٸشٸندە دە, سىرتىندا دا ورناتىلعان. قازٸرگٸ ۋاقىتتا الماتى وبلىسى بويىنشا مكد ەكونوميكالىق تەرگەۋ قىزمەتٸ قر قىلمىستىق كودەكسٸنٸڭ 307-بابىنىڭ 1-بٶلٸگٸ بويىنشا ("زاڭسىز ويىن بيزنەسiن ۇيىمداستىرۋ") سوتقا دەيٸنگٸ تەرگەۋ باستالدى", - دەپ حابارلادى الماتى وبلىسى بويىنشا مكد ەكونوميكالىق تەرگەۋ قىزمەتٸنٸڭ ٶكٸلدەرٸ.
