Foto: Memlekettik kirister komiteti
"Qorǵas HShYO" keden beketinde zańsyz qarjy men temeki alyp ótpek bolǵandar ustaldy, - dep habarlaidy "Ult aqparat" QR Qarjy ministrliginiń Memlekettik kirister komitetine silteme jasap.
Vedomstvo málimetinshe, tek úsh kúnde "Qorǵas HShYO" keden beketinde shetel valiýtasyn tasymaldaýdyń 4 deregi jáne temekini tasymaldaýdyń 6 deregi toqtatylǵan.
"17 mamyrda QHR azamatynan 20 000 AQSh dollary somasynda deklaratsiialanbaǵan qarajat anyqtaldy.
Sol siiaqty 18 Mamyrda 10 000 AQSh dollaryna jáne 270 000 teńgege deklaratsiialanbaǵan qarajat somasymen Qazaqstan Respýblikasynyń azamaty toqtatyldy, QR basqa azamatynan júk dóńgeleginiń bagaj bóliginde 6 mln teńge jasyrylǵan paket tabyldy.
Kelesi kúni "Qorǵas HShYO" keden beketiniń jolaýshylar terminalynyń zalynda respýblika aýmaǵynan ketý kezinde Qazaqstan azamaty 11 065 000 teńgemen toqtatyldy", - delingen habarlamada.
Jetisý oblysy boiynsha memlekettik kirister departamenti Memleket basshysynyń 2022 jylǵy 14 naýryzdaǵy №830 jarlyǵyna sáikes, Qazaqstan Respýblikasynyń Ulttyq Banki áketý kúnine belgilengen baǵam boiynsha eseptelgen jáne 10 000 (on myń) AQSh dollary balamasynan asatyn somadaǵy qolma-qol shetel valiýtasyn jáne (nemese) shetel valiýtasyndaǵy aqsha quraldaryn áketýge tyiym salynǵanyn eske salady.
Odan bólek, dál osy keden beketinde kedendik baqylaýdy júrgizý kezinde shekaralyq baqylaý jáne politsiia qyzmetkerlerimen birlesip, QR-ǵa kirgen kezde temeki tasymaldaýǵa tyrysýdyń 6 faktisi anyqtaldy.
"18 mamyrda Qazaqstan aýmaǵyna ákelý kezinde eki jaǵdaida QR azamattarynan 52 jáne 12 blok mólsherinde "Milano" markaly temeki ónimderi tabyldy jáne tárkilendi. 19 mamyrda avtokólik turaǵynda "ORIS" iesiz temekiniń 60 blogy tabyldy.
20 mamyrda Qazaqstan aýmaǵyna ákelý kezinde úsh jaǵdaida "Milano" markaly temekiniń 35 blogy, "ORIS" temekisiniń 100 blogy, túrli markaly temekiniń 691 blogy tabylyp, tárkilendi", - dep tolyqtyrdy vedomstvo.
EEK-tiń 2017 jylǵy 20 jeltoqsandaǵy № 107 "Jeke paidalanýǵa arnalǵan taýarlarmen bailanysty jekelegen máseleler týraly" sheshimine sáikes bir jeke tulǵa úshin 200 dana temekini nemese 1 blokty quraityn temeki tasymaldaý normalary belgilengen.
Barlyq faktiler boiynsha ákimshilik materialdar toltyrylyp, kináliler ákimshilik jaýapkershilikke tartyldy.
